Aibek Dädebai «Ädılet» partiiasynyŋ töraǧasy bolyp sailandy, dep habarlaidy "Adyrna" ūlttyq portaly.
7 mamyrda Astanada ötken «Ädılet» saiasi partiiasynyŋ qūryltai sezınde Aibek Dädebai partiia töraǧasy bolyp sailandy. Būl şeşım sezd delegattarynyŋ dauys beruı arqyly qabyldandy.
Qūryltai jiynynda partiianyŋ resmi qūrylǧany jariialanyp, onyŋ Jarǧysy men baǧdarlamasy bekıtıldı. Sonymen qatar saiasi keŋes qūramy jasaqtaldy.
«Ädılet» partiiasy özın Prezident Qasym-Jomart Toqaevtyŋ reformalar baǧytyn qoldaityn saiasi ūiym retınde tanystyrdy. Partiia ökılderınıŋ aituynşa, ūiym qyzmetı zaŋ üstemdıgı, ädıldık qaǧidattary jäne memlekettık instituttardy damytu baǧyttaryna negızdeledı.
«Ädıldık ūlttyq mentalitettıŋ airyqşa belgılerınıŋ bırıne ainaluǧa tiıs. Memleket basşysy Qasym-Jomart Kemelūly Toqaev ta būl mäselege ünemı erekşe nazar audaryp keledı», – dedı Aibek Dädebai.
Aita keteiık, būǧan deiın Memleket basşysynyŋ Jarlyǧymen Aibek Dädebai Qazaqstan Respublikasy Prezidentı Äkımşılıgınıŋ basşysy qyzmetınen bosatylǧan bolatyn. Aqordanyŋ baspasöz hatşysy Aibek Smadiiarov Prezident onyŋ atqarǧan jūmysyna joǧary baǧa berıp, alǧys bıldırgenın mälımdedı.
