AQŞ prezidentı Donald Tramp konservativtı kommentator Charli Kirktı öltırdı degen küdıkpen 22 jastaǧy Iýta ştatynyŋ tūrǧyny Tailer Robinson ūstalǧanyn mälımdedı, dep habarlaidy "Adyrna" ūlttyq portaly BBC-ge sılteme jasap.
Küdıktını polisiiaǧa öz äkesı tapsyrǧan.
«Menıŋ oiymşa, bız ony joǧary yqtimaldyqpen ūstadyq. Būl ıske oǧan eŋ jaqyn adam kömektestı. Ol – onyŋ äkesı», – dedı Tramp
CNN jäne ABC telearnalary küdıktınıŋ äkesı aldymen ūlyn berıluge köndırgenın, keiın jastar şırkeuınıŋ qyzmetkerımen habarlasqanyn, al onyŋ AQŞ marşaldary qyzmetıne aqparat bergenın naqtylady.
Iýta ştatynyŋ gubernatory Spenser Koks ta arnaiy baspasöz mäslihatyn ötkızıp, küdıktınıŋ tuystaryna alǧys aitty.
«Olar dūrys qadam jasady. Öz balasyn polisiiaǧa alyp kelu oŋai şeşım emes, bıraq olar ädılettılıktı taŋdady», – dedı ol.
Tramp bastapqyda tergeuşılerdıŋ qolynda eşqandai naqty dälel bolmaǧanyn aitty.
«Bız tek videodan bastadyq. Onda küdıktı qūmyrsqa sekıldı ǧana körındı – paidasy şamaly jazba edı. Bıraq bır adamnyŋ jürgenın baiqadyq», – dedı Tramp.
Sondai-aq ol Charli Kirktıŋ ölımıne qatysty tereŋ qaiǧyryp otyrǧanyn jetkızdı. Eger sot Robinsondy kınälı dep tapsa, ony ölım jazasyna kesuge ümıttenetının aitty.
Tramp Kirktı «özınıŋ ūlyndai» körgenın, onyŋ TikTok jobalarynda ülken kömek körsetkenın de atap öttı. Prezident serıgınıŋ jerleu räsımıne qatysatynyn aityp, onyŋ ölım sätın tüsırgen videony qaraudan bas tartqanyn jetkızdı.
Eske sala keteiık, AQŞ-taǧy Iýta ştatynyŋ Utah Valley universitetı kampusynda saiasi belsendı ärı Tramptyŋ jaqtasy Charli Kirktı köptıŋ aldynda söz söilep tūrǧan sätte atyp ketken edı.
