Äzerbaijanda ötken «Baku marafony – 2026» jarysynda qazaqstandyq sportşy jüldelı orynǧa ie boldy. Biyl alǧaş ret tolyq 42 şaqyrymdyq qaşyqtyqta ūiymdastyrylǧan dodaǧa 25 myŋ adam qatysty, dep habarlaidy “Adyrna” portaly report.as-ǧa sıltep.
Erler arasyndaǧy jarysta türkiialyq Ahmed Alkanoglu jeŋımpaz atandy. Ekınşı bolyp ukrainalyq Vitalii Şafar kelse, üşınşı oryndy Qyrǧyzstan ökılı Yrskeldi Akerov ielendı.
Al äielder bäsekesınde reseilık Elena Tolstyi märege bırınşı jettı. Ekınşı oryn äzerbaijandyq Anna Iýsupovaǧa būiyrdy. Qazaqstan namysyn qorǧaǧan Şyryn Äkımbai üşınşı bolyp kelıp, el qorjynyna qola jülde saldy.
Aita keteiık, marafon Geidar Äliev qory bastamasymen ötkızıldı. Biyl jarys alǧaş ret jartylai marafon (21 km) emes, tolyq 42 şaqyrymdyq qaşyqtyqta ūiymdastyryldy.
