Ūlytau oblysynyŋ prokuraturasy vedomstvoaralyq özara ıs-qimyl aiasynda Iаndeks Taksi sifrlyq platformasyn paidalanu arqyly qūqyq būzuşylyqtardyŋ aldyn aludyŋ jaŋa täsılın ıske asyrdy.
Jürgızılgen taldau dästürlı qūqyqtyq tüsındıru jūmystary alaiaqtyqtyŋ, stalkingtıŋ, esırtkı qylmystarynyŋ jäne özge de qūqyq būzuşylyqtardyŋ aldyn alu şaralaryn halyqqa ärdaiym tiımdı jetkıze bermeitının körsettı. Osyǧan bailanysty tūrǧyndar kündelıktı paidalanatyn servister arqyly azamattardy qosymşa aqparattandyru tetıgı qolǧa alyndy.
Oblys prokuraturasynyŋ bastamasymen Iаndeks Taksi servisımen taksi parkın profilaktikalyq jūmystyŋ arnasy retınde paidalanu turaly kelısımge qol jetkızıldı. Joba aiasynda avtokölıkterge «Zaŋ men tärtıp» aqparattyq logotipterı ornalastyrylyp, jürgızuşıler men jolauşylarǧa zaŋ talaptary, qoǧamdyq tärtıp qaǧidalary jäne özara syilastyq ūstanymdary tüsındırılgen profilaktikalyq bukletter taratyldy.
Sonymen qatar, jürgızuşılermen jolauşylarǧa zaŋ men tärtıptı saqtau mäselelerı boiynşa aqparatty sypaiy ärı beiresmi türde jetkızudıŋ maŋyzdylyǧy jönınde tüsındıru jūmystary jürgızıldı.
Atalǧan jobanyŋ basty artyqşylyǧy – auditoriiany keŋ qamtu mümkındıgı. Bügınde Ūlytau oblysyndaǧy Iаndeks Taksi avtoparkı 92 avtokölıkten tūrady. Ortaşa tapsyrys kölemın eskere otyryp, profilaktikalyq jūmyspen ai saiyn 100 myŋnan astam azamatty qamtuǧa mümkındık bar.
Täjıribe körsetkendei, būl format qūqyqtyq aqparatty halyqqa jetkızudıŋ yŋǧaily ärı tiımdı täsılı bolyp tabylady. Jolauşylar sapar barysynda profilaktikalyq materialdarmen tanysyp, olardy özara talqylap, bukletterdı jaqyndaryna beru üşın özderımen bırge alyp ketedı.
Ūlytau oblysynyŋ prokuraturasy būl tetıktı azamattardyŋ qūqyqtyq mädenietın arttyruǧa, qūqyq būzuşylyqtardyŋ aldyn aluǧa jäne qoǧamdyq tärtıptı nyǧaituǧa baǧyttalǧan zamanaui ärı tiımdı profilaktikalyq model dep sanaidy
