Özbekstan prezidentı Şavkat Mirziioev Astanada ötken RES 2026 öŋırlık ekologiialyq sammitınde ekologiia salasyndaǧy öŋırlık yntymaqtastyqty küşeituge baǧyttalǧan bırqatar bastamany ūsyndy, dep habarlaidy «Adyrna» tılşısı.
Is-şara barysynda ol bioaluantürlılıktı saqtau maqsatynda Ortalyq Aziianyŋ Qyzyl kıtabyn jasaudy ūsyndy.
«Būl jūmystyŋ üilestıruşısı Taşkenttegı Halyqaralyq tabiǧatty qorǧau odaǧynyŋ öŋırlık keŋsesı boda alady. Öŋırlık Qyzyl kıtap tek joiylyp bara jatqan türlerdıŋ tızımı ǧana emes, osy saladaǧy bırlesken jūmysymyzǧa arnalǧan tiımdı platformaǧa ainaluy tiıs», — dedı Şavkat Mirziioev.
Sondai-aq prezident Ortalyq Aziiadaǧy aua sapasy mäselelerımen ainalysatyn halyqaralyq konsorsium qūrudy ūsyndy. Onyŋ aituynşa, būl qūrylym önerkäsıptı jaŋǧyrtu men şyǧaryndylardy tazartu jüielerın engızudı qosa alǧanda, qarjylandyru mäselelerımen ainalysuy tiıs. Al tehnologiialyq köşu üderısın jedeldetu üşın Ortalyq Aziiada «jasyl» sauda dälızın qalyptastyru qajet ekenın aitty.
Būdan bölek, öŋırdegı qorşaǧan orta özgerısterınıŋ bıryŋǧai atlasyn äzırleu qajettıgı atap ötıldı. Ol öŋırdegı üderısterdıŋ, sonyŋ ışınde jerdıŋ tozuy dinamikasyn körnekı türde körsetetın ırgelı ǧylymi baza bolmaq.
Sonymen qatar Mirziioev öŋırdegı klimattyq jobalardyŋ bıryŋǧai investisiialyq portretın qalyptastyru bastamasyn köterdı. Onyŋ aituynşa, būl elderge şaşyraŋqy bastamalarmen emes, tūtas öŋırlık strategiiamen äreket etuge mümkındık beredı.
