Qazaqstanda HiPP markaly balalar taǧamynan «egeuqūiryq uy tabyldy» degen aqparat joqqa şyǧaryldy, dep habarlaidy "Adyrna" ūlttyq portaly.
Būl turaly densaulyq saqtau ministrlıgıne qarasty sanitariialyq-epidemiologiialyq baqylau komitetı mälımdedı.
Vedomstvo mälımetınşe, atalǧan derek halyqaralyq baqylau jüielerınde de tırkelmegen. Atap aitqanda, RASFF jäne INFOSAN jelılerı arqyly da mūndai aqparat tüspegen.
Sonymen qatar komitet ökılderı būl önımnıŋ Euraziialyq ekonomikalyq odaqtyŋ memlekettık tırkeu kuälıkterınıŋ bıryŋǧai tızılımınde joq ekenın atap öttı. Osyǧan bailanysty mūndai önımdı Qazaqstan aumaǧynda satuǧa resmi türde rūqsat berılmeidı.
«Būl önım el aumaǧynda resmi türde satylymda bolmauy tiıs. Soǧan qaramastan, yqtimal zaŋbūzuşylyqtardy boldyrmau üşın tekseru jūmystary jalǧasyp jatyr», – delıngen habarlamada.
