Resei atynan soǧysqa qatysqan qazaqstandyqtar sany artqan, dep habarlaidy "Adyrna" ūlttyq portaly.
Ukrainanyŋ «Ömır sürgım keledı» jobasy 2026 jyl boiynşa Resei qorǧanys ministrlıgımen kelısımşartqa otyryp, Ukrainadaǧy soǧysqa qatysqan Ortalyq Aziia elderı azamattary turaly jaŋartylǧan mälımetterdı jariialady.
Joba deregıne säikes, Qazaqstan azamattarynyŋ sany 2389 adamǧa jetken. Būl körsetkış Qazaqstandy aimaq boiynşa üşınşı orynǧa şyǧardy. Aldyŋǧy qatarda Özbekstan (4853 adam) men Täjıkstan (3407 adam) tūr.
Sondai-aq, Qyrǧyzstannan kemınde 1439 azamat, al Türıkmenstannan 578 adam tırkelgen.
Aita keteiık, 2025 jyldyŋ köktemı men jazynda «Ömır sürgım keledı» būǧan deiın 5740 adamnyŋ tızımın jariialaǧan edı. Soŋǧy bır jyl ışınde anyqtalǧan azamattar sany ekı eseden astam ösıp, 12 666 adamǧa jetken.
