Qazaqstanda energiia közderınıŋ tūraqtylyǧyn qamtamasyz etu üşın aldaǧy jyldary kemınde 3–4 atom elektr stansiiasyn salu josparlanyp otyr, dep habarlaidy "Adyrna" ūlttyq portaly.
Būl turaly atom energiiasy jönındegı agenttık töraǧasy Almasadam Sätqaliev mälımdedı.
Onyŋ aituynşa, qazırgı taŋda ekınşı jäne üşınşı AES salynatyn öŋırler naqtylanu üstınde. Mamandar qūrylysqa eŋ qolaily alaŋdardy energetikalyq teŋgerım, ekologiialyq jäne seismikalyq qauıpsızdık talaptary tūrǧysynan jan-jaqty zerttep jatyr.
«Qazır qūrylysty saluǧa eŋ qolaily alaŋdardy jan-jaqty zerttep jatyrmyz. Boljamdy energiia teŋgerımı tūrǧysynan da, ekologiialyq jäne seismikalyq qauıpsızdık talaptary tūrǧysynan da Qazaqstanda atom energetikasyn damytuǧa arnalǧan bırneşe oryn bar ekenın körıp otyrmyz», – dedı Sätqaliev.
Aldyn ala qarastyrylyp jatqan negızgı aimaqtardyŋ bırı – Balqaş maŋy. Mūnda alty ırı energetikalyq blok saluǧa mümkındık bar. Sonymen qatar Kurchatov qalasy kışı jäne orta quatty reaktorlardy damytuǧa qolaily alaŋ retınde baǧalanuda.
Būdan bölek, Batys Qazaqstan oblysy da qarastyrylyp jatyr. Būl öŋırde energetikalyq nysandardy paidalanu täjıribesı bar. Mūndaǧy qondyrǧylar tek elektr energiiasyn öndırumen şektelmei, tūrǧyn üilerdı jylu jäne ystyq sumen qamtamasyz etuge, tıptı teŋız suyn tūşytuǧa mümkındık beredı.
Sätqalievtıŋ aituynşa, ūzaq merzımdı perspektivada Qostanai oblysy da atom elektr stansiialaryn saluǧa äleuettı öŋırge ainaluy mümkın.
