Mädeniet jäne aqparat ministrı Aida Balaeva qazaq ädebietınıŋ körnektı ökılı, halyq jazuşysy Mūhtar Şahanovtyŋ qaitys boluyna bailanysty köŋıl aitty, dep habarlaidy «Adyrna» tılşısı.
Ol marqūmnyŋ qazaq ruhaniiatyndaǧy orny erekşe ekenın atap öttı.
«Ardaqty aǧaiyn! Qazaq ädebietınıŋ abyz aqsaqaly, Halyq jazuşysy, Qazaqstannyŋ Eŋbek Erı, aiauly azamat Mūhtar Şahanov jaryq jalǧannan öttı. Barşa qazaq elıne, aǧamyzdyŋ äuletı men aǧaiyn-bauyrlaryna qaiǧyra köŋıl aitamyn. Mūhtar Şahanov şoqtyǧy biık şyǧarmalary arqyly közı tırısınde-aq küllı halyqtyŋ ystyq yqylasyna bölenıp, alty alaştyŋ ardaqtysyna ainalǧan bırtuar azamat edı. Ūlt taǧdyry synǧa tüsken eldık ısterde azamattyq ūstanymynan taimai, eljandylyq pen parasattylyqtyŋ ozyq ülgısın körsettı»,– dep jazdy ministr.
Aida Balaeva aqynnyŋ öleŋderı men qoǧamdyq qyzmetı ūlttyq ruhaniiattyŋ qazynasy bolyp qala beretının jetkızdı.
«Qalamgerdıŋ öleŋ älemıne örıstı örnek, jaŋaşa tynys äkelgen taǧylymy mol tuyndylary ruhaniiatymyzdyŋ qūndy qazynasy bolyp qala bererı anyq. Mūhtar aǧamyzdyŋ otty da oily öleŋderı, qaisar mınezı, ädılet jolyndaǧy tabandylyǧy men eldık müdde aldyndaǧy adaldyǧy jūrt jadynda mäŋgı saqtalady. Aǧamyzdyŋ jatqan jerı jaryq, topyraǧy torqa bolsyn! Ruhy peiışte şalqysyn! Alla taǧala ūrpaqtaryna ūzaq ǧūmyr bersın! Qoş bolyŋyz, ūltymyzdyŋ ūly perzentı!»–dedı ol.
