Qazaqstanda soŋǧy uaqytta äleumettık jelılerde oquşylardyŋ mūǧalımderdı mazaq etıp, olardyŋ fotosuretterın qorlaityn äuenmen jariialaityn jaǧdailary jiılep otyr. Äsırese TikTok platformasynda mūndai kontenttıŋ taraluy qoǧamda alaŋdauşylyq tuǧyzdy.
Atalǧan jaǧdaiǧa bailanysty mäjılıs deputaty Ashat Aimaǧambetov qazaqstandyq pedagogtardy oquşylar tarapynan jasalatyn bullingke tözbeuge jäne polisiiaǧa jügınuge şaqyrdy.
Mūndai jaǧdailardyŋ bırı Maŋǧystau oblysy, Mūnaily audanyndaǧy №17 mektepte tırkeldı. Onda oquşylar mūǧalımderdıŋ fotosuretterın paidalanyp, olardy äleumettık jelıde mazaq etken. Tekseru nätijesınde kınälı oquşylar öz äreketterın tolyq moiyndap, mūǧalımderden keşırım sūrady.
“Men de ıstegen ısterımnıŋ bärın moiyndaimyn. Barlyǧynan keşırım sūraimyn, endı qaitalanbaidy. Būl maǧan sabaq boldy. Qazaq tılınen beretın Kämşat apai, oqu ısı jönındegı orynbasardan, Azamat aǧai, Nazerke apai, Baian apai, osy ūstazdardan şyn jürekten keşırım sūraimyn”, – dedı oquşy.
Ata-analar da balalarynyŋ ıs-äreketı üşın keşırım bıldırıp, mūndai jaǧdaidyŋ qaitalanbaitynyn aitty.
“17-mekteptıŋ qūrmettı ūstazdary keşegı äleumettık jelıge taraǧan videony menıŋ balam jıbergen. Sol üşın ūstazdardan, ata-analardan keşırım sūraimyn”, – dedı ata-ana.
Mektep äkımşılıgı keiın jelıge mūǧalımderdı qorlaǧan oquşylar men ata-anasynyŋ keşırım sūraǧan sätın jariialady.
“Qazır äleumettık jelılerde, sonyŋ ışınde TikTok platformasynda mūǧalımderdıŋ fotosyn paidalanu arqyly feik akkaunt aşylyp, jaǧymsyz sipattaǧy trendterdıŋ taraluy baiqaldy. Osy jaǧdaiǧa bailanysty mektep äkımşılıgı tarapynan tekseru jūmystary jürgızıldı. Atap aitqanda, direktordyŋ tärbie jūmysy jönındegı orynbasary U.J.Jarasbaeva atalǧan mäselenı tolyq tekserıp, tiıstı aqparatty anyqtady.
Tekseru nätijelerı belgılı bolǧannan keiın synyp jetekşı, pän mūǧalımderı, mektep psihology jäne mektep inspektorynyŋ qatysuymen, sondai-aq oquşylar men ata-analardy tarta otyryp jinalys ūiymdastyryldy. Jiyn barysynda jaǧdai jan-jaqty talqylanyp, tüsındıru jūmystary jürgızıldı. Oquşylar öz äreketterın tolyq moiyndap, keşırım sūrau maqsatynda beineündeu joldady”, – delıngen mektep habarlamasynda.
Al deputat Ashat Aimaǧambetovtyŋ sözınşe, mūndai jariialanymdar köbıne TikTok jelısınde köbeigen. Qazır oquşylar tarapynan jasalatyn bulling jaǧdailary qoldanystaǧy zaŋ normalarymen rettelgen. Sondyqtan mūǧalımder qūqyq qorǧau organdaryna şaǧymdana alady. Ol polisiia mūndai jaǧdaida kınälılerdı tez anyqtai alatynyn da atap öttı.
“Qazırgı tehnologiialar polisiiaǧa bulling jasaǧandardy jedel anyqtap, tiıstı şara qoldanuǧa mümkındık beredı. Köp azamattar zaŋ būzǧan kezde sifrlyq ız qalmaidy dep oilap, qatelesedı", – dedı ol.
Deputat sondai-aq balalary qorlaityn kontent tüsıretın ata-analarǧa qatysty jauapkerşılık tek äkımşılık deŋgeimen şektelmei, kei jaǧdaida qylmystyq ıs retınde de qarastyryluy mümkın ekenın de alǧa tartty.
