foto: Qaz365.kz
«Ädılet» saiasi partiiasynyŋ qūryluy turaly jaŋalyq qoǧamda keŋ talqylanyp jatqan taqyryptardyŋ bırıne ainaldy. Bastamaşyl toptyŋ ūiymdastyru komitetın qūru turaly mälımdemesınen keiın, azamattar äleumettık jelılerde jaŋa partiiaǧa qosyluǧa degen qyzyǧuşylyq pen niet bıldırude.
Äleumettık jelılerdegı pıkırlerge qaraǧanda, partiiaǧa qosyluǧa niet bıldırgenderdıŋ arasynda jastar köp, olar partiia arqyly eldı basqaruǧa qatysu üşın naqty mümkındık körıp, onyŋ bolaşaǧyna ülken ümıt artyp otyr.
Jas qazaqstandyqtar «Ädılet» partiiasynyŋ ädıl joldy ūstanbaq nietın erekşe atap ötude. Azamattardyŋ qalauy bır: öz oiyn bıldırıp jatqan köpşılıktıŋ aituynşa, elge jaŋa saiasi mädeniet qajet, al ädıldık kündelıktı täjıribege ainaluy tiıs.
Partiiaǧa müşe boluǧa daiyn ekenın bıldırıp jatqan azamattar köp jäne de olar är türlı äleumettık toptardyŋ ökılderı – käsıpkerler men studentterden bastap, tanymal tūlǧalarǧa deiın.
Qazaqstandyqtar «Ädılet» partiiasyna eldıŋ jaŋa Konstitusiiasy aiasynda ärbır azamattyŋ müddesın qorǧap, mümkındıkterdıŋ teŋdıgın qamtamasyz etetın ūiym retınde ülken ümıt artyp jatyr. Äleumettık jelılerdegı pıkırlerge jürgızılgen taldaudyŋ nätijesı «partiiaǧa qosylu üşın qaida qoŋyrau şaluǧa bolady?» degen sūraqtyŋ jiı kezdesıp jatqanyn anyqtady.
Eske sala keteiık, 16 säuırde «Ädılet» partiiasynyŋ ūiymdastyru komitetı bastamaşyl toptyŋ atynan 700-den astam Qazaqstan Respublikasynyŋ azamattarynan tūratyn ötınıştı Ädılet ministrlıgıne resmi türde tapsyrdy, barlyq qajettı qūjattarmen bırge saiasi partiia qūru turaly habarlama da jıberıldı.
«Ädılet» partiiasynyŋ ūiymdastyru komitetı resmi türde qyzmetın bastap, partiianyŋ qūryltai sezın ötkızu boiynşa daiyndyq jūmystaryna kırıstı.
