Şahtinsk qalasyndaǧy köpqabatty tūrǧyn üilerdıŋ bırınde tūrmystyq gaz ballonynan şyqqan gaz-aua qospasy jaryldy, dep habarlaidy “Adyrna” ūlttyq portaly.
Oqiǧa saldarynan segız adam zardap şektı. Olardyŋ beseuı şaqyrtuǧa kelgen polisiia qyzmetkerlerı ekenı anyqtalǧan.
TJD mälımetınşe, oqiǧa turaly habar Qaraǧandy oblysy TJD-nıŋ 112 pultıne polisiiadan tüsken.
Qūtqaruşylar oqiǧa ornyna tört minut ışınde jetken. Barǧan kezde päter ışınde jihaz ben tūrmystyq zattardyŋ januy tırkelgen.
Qūtqaruşylar baspaldaq arqyly joǧarǧy qabattardan bes adamdy evakuasiialady. Ört söndıruşıler kelgenge deiın polisiia qyzmetkerlerı de tūrǧyndardy syrtqa şyǧarǧan. Qalǧan tūrǧyndar özdıgınen evakuasiialanǧan.
Zardap şekkender medisinalyq mekemege jetkızıldı.
Ört 40 şarşy metr aumaqta tolyq söndırıldı. Qazırgı taŋda oqiǧanyŋ sebepterı men män-jaiy anyqtalyp jatyr. Oqiǧa ornynda ört söndıru ştaby qūrylyp, barlyq tiıstı qyzmetter jūmys ısteude.
Qaraǧandy oblysy polisiia departamentı mälımetınşe, bötennıŋ mülkın qasaqana joiu faktısı boiynşa qylmystyq ıs qozǧalyp, 40 jastaǧy küdıktı ūstalǧan. Ol qazır Şahtinsk qalalyq auruhanasynyŋ arnaiy palatasynda küzetpen jatyr. Sauyǧyp şyqqannan keiın uaqytşa ūstau izoliatoryna qamalmaq.
