Qaraǧandy aumaǧynda ornalasqan Josabai uchaskesınde jürgızılgen geologiialyq barlau nätijelerı boiynşa altyn qory aitarlyqtai artty, dep habarlaidy "Adyrna" ūlttyq portaly.
Tau-ken Samūryq kompaniiasynyŋ mälımetınşe, alynatyn altyn qorynyŋ jalpy kölemı 8 182,2 kilogramǧa jetken. Būǧan deiın memlekettık balansqa 4 862,2 kilogramm ǧana tırkelgen bolatyn. Osylaişa, qor kölemı 68 paiyzǧa ūlǧaidy.
Mamandardyŋ aituynşa, barlau jūmystary aiasynda 7 340 metr būrǧylau jürgızılıp, ken ornynyŋ jaŋartylǧan 3D-modelı jasalǧan. Sonymen qatar qorlar sanattary qaita qaralyp, bır bölıgı «boljamdy» sanattan «anyqtalǧan» sanatqa auystyrylǧan. Nätijesınde körsetkışterde aitarlyqtai özgerıs tırkeldı: anyqtalǧan qorlar 1 338 kilogramǧa artsa, boljamdy qorlar 481,5 kilogramnan 1 676,8 kilogramǧa deiın östı. Sondai-aq 786,7 kilogramm altyn «ölşengen» sanatqa engızıldı.
Josparǧa säikes, 2026 jyly qosymşa 8 590 metr būrǧylau jūmystary jürgızıledı. Al 2027 jyldyŋ soŋyna qarai jaŋartylǧan qorlar memlekettık balansqa resmi türde engızıluı tiıs.
Sarapşylar būl nätijeler Qazaqstandaǧy geologiialyq barlau jūmystaryn küşeitu jäne paidaly qazbalar qoryn naqtylau baǧytyndaǧy memlekettık saiasatpen säikes keletının atap ötedı.
