Sot Şyǧys Qazaqstan oblysynyŋ būrynǧy bırınşı orynbasary Jaqsylyq Omardy ırı kölemde alaiaqtyq jasau jäne para alu boiynşa kınälı dep tanyp, oǧan 6 jylǧa türme jazasyn taǧaiyndady, dep habarlaidy "Adyrna".
Bügıngı sotta soŋǧy sözınde Jaqsylyq Omar aqşa bopsalaǧanyn joqqa şyǧaryp, sottan qorǧauşylary aitqan jeŋıldetetın jaittardy eskerudı sūrady.
«Men aqşa bopsalaǧan joqpyn. Sottan qorǧauşylarym aitqan jaǧdailardy jeŋıldetetın jait retınde qabyldauyn sūraimyn», - dedı ol.
Būǧan qosa, būrynǧy äkım sottan özın türmege jıbermeudı ötındı.
«Men memleketke masyl bolǧym kelmeidı, kerısınşe, öz ülesımdı qosqym keledı. Qaryzǧa batsam da, aiyppūldy töleimın. Tüsınıstık tanytasyzdar dep ümıttenemın», - dedı ol.
Alaida, sotoǧan 6 jyl bas bostandyǧynan aiyru, Toyota Camry 75 avtokölıgın tärkıleu jäne memlekettık qyzmette ömır boiy jūmys ısteuge tyiym salu türındegı jaza taǧaiyndaldy.
Sot materialdaryna säikes, oǧan Qylmystyq kodekstıŋ 190-baby 3-bölımınıŋ 1 jäne 2-tarmaqtary (ırı kölemde alaiaqtyq jasau) jäne 366-baby 3-bölımınıŋ 3-tarmaǧy (ırı kölemde para alu) boiynşa qylmystyq qūqyq būzuşylyqtar jasady degen aiyp taǧylǧan.
