Qazaqstan Respublikasynyŋ "Qorǧanys jäne Qaruly Küşter turaly" zaŋynyŋ 5-baby 2-tarmaǧynyŋ 11) tarmaqşasyna jäne "Äskeri qyzmet jäne äskeri qyzmetşılerdıŋ märtebesı turaly" zaŋnyŋ 31-babyna säikes prezident tiıstı qauly qabyldady.
- Äskeri qyzmettıŋ belgılengen merzımın ötkergen merzımdı äskeri qyzmettegı äskeri qyzmetşıler 2026 jyldyŋ nauryz – mausymynda jäne qyrküiek – jeltoqsanynda Qazaqstan Respublikasynyŋ Qaruly Küşterı, Qazaqstan Respublikasynyŋ Işkı ıster ministrlıgı, Qazaqstan Respublikasynyŋ Tötenşe jaǧdailar ministrlıgı, Qazaqstan Respublikasynyŋ Ūlttyq qauıpsızdık komitetı, Qazaqstan Respublikasynyŋ Memlekettık küzet qyzmetı qatarynan zapasqa şyǧarylsyn.
- Äskerge şaqyrudy keiınge qaldyruǧa nemese odan bosatyluǧa qūqyǧy joq on segız jastan jiyrma jetı jasqa deiıngı er azamattar 2026 jyldyŋ nauryz – mausymynda jäne qyrküiek – jeltoqsanynda Qazaqstan Respublikasynyŋ Qaruly Küşterıne, Qazaqstan Respublikasynyŋ Işkı ıster ministrlıgıne, Qazaqstan Respublikasynyŋ Tötenşe jaǧdailar ministrlıgıne, Qazaqstan Respublikasynyŋ Ūlttyq qauıpsızdık komitetıne, Qazaqstan Respublikasynyŋ Memlekettık küzet qyzmetıne merzımdı äskeri qyzmetke şaqyrylsyn.
Jergılıktı atqaruşy organdar tiıstı jergılıktı äskeri basqaru organdary arqyly 2026 jyldyŋ nauryz – mausymynda jäne qyrküiek – jeltoqsanynda azamattardy merzımdı äskeri qyzmetke şaqyrudy jürgızudı ūiymdastyrsyn jäne qamtamasyz etsın.
Qazaqstan Respublikasynyŋ Ükımetı, Qazaqstan Respublikasynyŋ Ūlttyq qauıpsızdık komitetı, Qazaqstan Respublikasynyŋ Memlekettık küzet qyzmetı merzımdı äskeri qyzmettı ötkeru üşın Qazaqstan Respublikasynyŋ Qaruly Küşterıne, Qazaqstan Respublikasynyŋ Işkı ıster ministrlıgıne, Qazaqstan Respublikasynyŋ Tötenşe jaǧdailar ministrlıgıne, Qazaqstan Respublikasynyŋ Ūlttyq qauıpsızdık komitetıne, Qazaqstan Respublikasynyŋ Memlekettık küzet qyzmetıne äskerge şaqyrylǧan Qazaqstan Respublikasynyŋ azamattaryn jöneltudı jäne merzımdı äskeri qyzmettıŋ belgılengen merzımderın ötkergen äskeri qyzmetşılerdı şyǧarudy qarjylai jäne materialdyq jaǧynan qamtamasyz etudı ūiymdastyrsyn.
Osy Jarlyq alǧaşqy resmi jariialanǧan künınen bastap qoldanysqa engızıledı.
Sonymen qatar, bügın memleket basşysy "Turistık salany jäne balalar sportyn qoldauǧa bailanysty Qazaqstan Respublikasynyŋ keibır zaŋnamalyq aktılerıne özgerıster men tolyqtyrular engızu turaly" zaŋǧa qol qoidy.
Zaŋdaǧy basty özgerıs – balalar men jasöspırımder sport mektepterınde (DIýSŞ) är sportşyǧa qarjylandyru normasyn engızu. Būl şara bır sportşyǧa jyl saiyn bölınetın şyǧyndy qazırgı ortaşa 233 myŋ teŋgeden 415 myŋ teŋgege deiın köbeituge mümkındık beredı.
