АҚШ президенті Трамп Иранға қатысты жазба жариялады, деп хабарлайды "Адырна" ұлттық порталы.
Ол Truth Social әлеуметтік желісіндегі парақшасында Иранға «өте қуатты соққы» жасалуы мүмкін екенін ескертті.
Трамптың айтуынша, қазіргі уақытта «жеңілістерге ұшырап жатыр».
Иран Таяу Шығыстағы көрші мемлекеттерінен кешірім сұрап, бұдан былай оларға оқ атпайтынын мәлімдеген.
АҚШ президентінің сөзінше, мұндай шешім АҚШ пен Израиль тарапынан жасалып жатқан үздіксіз шабуылдардың салдарынан қабылданған.
«Бұл — мыңдаған жыл ішінде Иранның Таяу Шығыстағы көрші елдерден алғаш рет жеңілуі. Олар: “Рахмет сізге, президент Трамп” деді. Мен: “Оқасы жоқ!” деп жауап бердім», — деп жазды АҚШ президенті.
Трамптың пікірінше, Иран енді «Таяу Шығыстың бұзақысы» емес, керісінше «жеңілген еліне» айналған. Ол Иран толық тізе бүккенге дейін немесе толық күйреуге ұшырағанға дейін осындай жағдайда қала беретінін айтты.
«Бүгін Иранға өте қуатты соққы жасалады. Иранның теріс әрекеттеріне байланысты бұған дейін нысана ретінде қарастырылмаған кейбір аумақтар мен топтарға толық жойылу қаупі төнуі мүмкін», — деп мәлімдеді Трамп.
