İtaliiada ötken XXV qysqy Olimpiada oiyndarynyŋ chempiony Mihail Şaidorov Almatyǧa keldı, dep habarlaidy "Adyrna" ūlttyq portaly.
Mihail Şaidorov sportşysyn Almaty äuejaiynda qala tūrǧyndary erekşe yqylaspen qarsy aldy. Tüngı uaqytqa qaramastan halyqaralyq terminalda chempiondy kütkenderdıŋ qarasy qalyŋ boldy. Olardyŋ qatarynda qala äkımdıgınıŋ ökılderı, tuystary men janküierlerı bar.
Sportşy tuǧan jerıne oralǧanyna quanyşty ekenın aityp, körsetılgen qoldau üşın alǧysyn bıldırdı.
"Tuyp-ösken qalama kelgenıme öte quanyştymyn. Osyndai jyly qarsy aludy sezınu – erekşe äser. Maǧan ärdaiym qoldau körsetken barşaŋyzǧa alǧys aitamyn", – dedı Mihail Şaidorov.
Saltanatty qarsy alu barysynda qazaqstandyq suretşı Äsel Sabyrjanqyzy chempionǧa arnaiy kılemge toqylǧan portretın tabystady.
Aita keteiık, biylǧy qysqy Olimpiada oiyndary İtaliianyŋ Milan jäne Kortina-d’Ampesso qalalarynda ötıp, Mihail Şaidorov erler arasyndaǧy mänerlep syrǧanaudan altyn medal ielendı.
