Aqmola oblysynda 2026 jylǧy 6–22 aqpan aralyǧynda İtaliianyŋ Milan jäne Kortina-d’Ampesso qalalarynda ötetın XXV qysqy Olimpiada oiyndaryna öŋır sportşylarynyŋ qatysuyna orai bırqatar ıs-şaralar ūiymdastyryldy.
Olimpiadaşylardy qoldau maqsatynda 7 aqpanda Burabai, Zerendı, Sandyqtau, Ereimentau, Būlandy, Qorǧaljyn, Jarqaiyŋ, Bırjan sal audandarynda, sondai-aq Kökşetau, Stepnogorsk jäne Aqköl qalalarynda jappai şaŋǧy jarysy öttı.
Jarysqa Aqmola oblysynyŋ balalar men jasöspırımder sport mektepterınıŋ tärbielenuşılerı, şaŋǧy sportyn süietın äuesqoilar men ardagerler qatysty. Barlyǧy 900-den astam adam startqa şyqty. Şaŋǧyşylardy oblys äkımınıŋ orynbasary Dosulan Aitbaev qūttyqtady.
Qatysuşylardyŋ aituynşa, būl şaŋǧy jarysy Qazaqstan atynan öner körsetıp jatqan Aqmola oblysynyŋ sportşylaryna degen bırlık, qoldau jäne maqtanyştyŋ jarqyn belgısıne ainaldy.
Aita keteiık, törtjyldyqtyŋ basty qysqy jarystarynda Aqmola oblysynyŋ namysyn alty sportşy qorǧaidy. Şort-trek boiynşa Denis Nikişa, Iаna Han jäne Olga Tihonova baq synaidy. Al şaŋǧy jarystarynda öŋır namysyn Kseniia Şalygina, Nadejda Stepaşkina jäne Anna Melnik qorǧaidy.
Bügın jergılıktı uaqyt boiynşa saǧat 17.00-de aqmolalyq sportşylardyŋ qatysuymen alǧaşqy jarys ötedı. Skiatlon dissiplinasynda Kseniia Şalygina men Nadejda Stepaşkina startqa şyǧady.
