Úndistannyń Chennaı qalasynda ótip jatqan Dúnıejúzilik shahmat olımpıadasynyń jetinshi týrynda qazaqstandyqtar Ispanııany jeńdi. Bul nátıje bizdiń komandany Armenııa quramasy bastaǵan kóshbasshylar qataryna qosylýǵa kómektesti, dep habarlaıdy “Adyrna” ulttyq portaly.
Elimizdiń erler quramasy bastapqy kestede 40-orynǵa turaqtady, alaıda 7-shi týrdyń qorytyndysy boıynsha 4-shi oryndy ıemdengen Ispanııany 2,5:1,5 esebimen utty.
Ár oıynda reıtıngtegi aıyrmashylyq ıspandyq shahmatshylardyń paıdasyna shamamen 100-200 upaı bolǵanymen, qazaqstandyqtar kezdesýde sensaııalyq jeńiske jetti. Osylaısha, erler quramasy osymen týrnırde qatarynan besinshi oıyndy óz paıdasyna sheshti.
Nátıjesinde Qazaqstan quramasy 7-shi týrdyń sońynda 7-shi orynǵa jaıǵasty.
Áıelder quramasy 7-shi týrda Vetnam quramasyn 2,5-1,5 esebimen jeńip, jalpy reıtıngte 10-shy orynda tur.
Aıta keteıik, 28 shildede Úndistannyń Chennaı qalasynda 44-shi Dúnıejúzilik shahmat olımpıadasy bastaldy. 186 eldiń ókilderi qatysatyn jarys 10 tamyzǵa deıin jalǵasady.
“Adyrna” ulttyq portaly
