"Besik jyry" qysqametrajdy anımaııalyq fılmi Ispanııa astanasy Madrıdte ótken bedeldi kınofestıvalde 1500 úmitkerdiń ishinde eń úzdigi retinde tanyldy. Bul jóninde "Adyrna" ulttyq portaly QR Mádenıet jáne sport mınıstrligine silteme kórsete otyryp habarlaıdy.
Mádenıet jáne sport mınıstrliginiń qoldaýymen jaryqqa shyqqan "Besik jyry" qysqametrajdy anımaııalyq fılmi "Eń úzdik qysqametrajdy anımaııalyq fılm" júldesin jeńip aldy.
"MADFA Madrid Film Awards – 2023 20-shy halyqaralyq baıqaýǵa 1500 anımaııalyq jumys úmitker retinde usynyldy", - dep málimdedi QR Mádenıet jáne sport mınıstrligi.
Mádenıet jáne sport mınıstri Ashat Oralov "Qazaqstandyq anımaııalyq fılmniń bedeldi halyqaralyq baıqaýdyń bas júldesin ıelengeni – otandyq anımaııa salasynyń oń baǵytta damyp kele jatqanynyń kórsetkishi dep sanaýǵa bolatynyn" atap ótti.
Madrıd kınojúldesi MADFA (MFA) IMDb resmı konkýrsyna kiredi. Festıval jyl saıyn óz alańynda álemniń eń úzdik týyndylary men talantty rejısserlerdiń basyn qosady.
"Adyrna" ulttyq portaly
