Ile-Alatauy memlekettık ūlttyq tabiǧi parkınıŋ bas direktory Elnūr Ahmetov jurnalistermen kezdesıp, ūlttyq parktıŋ soŋǧy jyldardaǧy jūmysy, jetıstıkterı men aldaǧy josparlary turaly aityp berdı, dep habarlaidy "Adyrna".
Onyŋ aituynşa, ūlttyq park 1996 jyly 164 myŋ gektar jermen qūrylǧan bolsa, bügınde erekşe qorǧalatyn aumaq kölemı 200 myŋ gektardan asqan. Mūny memlekettıŋ tabiǧatty qorǧau jäne tabiǧi mūrany saqtau baǧytyndaǧy jüielı jūmysynyŋ nätijesı dese bolady.
– Soŋǧy otyz jylda ūlttyq park aumaǧynda 5 millionnan astam aǧaş köşetterı otyrǧyzyldy. Ormandy qalpyna keltıru jäne ekojüielerdıŋ tūraqtylyǧyn saqtau jūmystary odan ärı jalǧasady, – dedı Elnūr Ahmetov.
Jurnalister ūlttyq parktegı ört qauıpsızdıgı jönınde sūrady.
– Biyl ört qauıpsızdıgı şaralaryn küşeitıp jatyrmyz. Örtke qarsy arnaiy jolaqtardyŋ ūzyndyǧy ekı myŋ şaqyrymnan asady, sonymen qatar tört ört söndıru stansiiasy täulık boiy jūmys ısteidı. Park aumaǧynda 41 ört söndıruşı maman qyzmet etedı, – dedı ūlttyq park basşysy.
Öz kezegınde Elnūr Ahmetov ekologiialyq turizm salasyndaǧy investisiialyq jobalardyŋ tiımdı jüzege asyp jatqany da tılge tiek ettı.
– Otyz jyl būryn bır ǧana investisiialyq joba ıske asyrylsa, qazır olardyŋ sany 94-ke jettı. Būl – öŋırdıŋ turistık äleuetın arttyryp, tūraqty ekologiialyq turizmdı damytuǧa jasalǧan ülken qadam. Aldaǧy üş jylda taǧy 30 jaŋa turistık baǧyt aşudy josparlap otyrmyz, – dedı Elnūr Ahmetov.
Sonymen qatar, ūlttyq parktıŋ ǧylymi zertteuler men bioaluantürlılıktı saqtau baǧytyndaǧy jūmystary da belsendı jürgızılude. Bas direktordyŋ oiynşa, tabiǧatty qorǧau şaralarynyŋ nätijesınde soŋǧy otyz jylda sirek kezdesetın januarlardyŋ sany aitarlyqtai artqan.
– Mäselen, ılbısterdıŋ sany tört esege juyq östı. Būryn 10 daraqtan aspaityn bolsa, bügınde olardyŋ sany 39-ǧa jettı. Būl memlekettık jäne qoǧamdyq deŋgeidegı keşendı jūmystyŋ nätijesı, – dep atap öttı Elnūr Ahmetov.
Onyŋ aituynşa, ūlttyq parkte sirek kezdesetın ösımdıkterdı jasandy ortada köbeitetın zamanaui in-vitro zerthanasy aşylǧan. Būl da park jūmysynyŋ ǧylymi äleuetın körsetedı.
Jalpy, Ile-Alatauy ūlttyq parkı tabiǧatty qorǧaumen qatar, tūraqty ekologiialyq turizmdı damytu men ekologiialyq mädeniettı arttyruǧa ülken üles qosuda.
