İran men AQŞ arasyndaǧy İrannyŋ iadrolyq ısıne qatysty janama kelıssözder 17 aqpanda Jenevada ötedı, dep habarlaidy «Adyrna» tılşısı RİA Novosti agenttıgıne sılteme jasap.
Agenttık öz materialynda İrannyŋ syrtqy saiasat vedomstvosynyŋ aqparatyn keltırdı.
«İran men AQŞ arasyndaǧy iadrolyq mäselege qatysty janama kelıssözder Omannyŋ deldaldyǧymen seisenbı künı ötedı», — delıngen habarlamada.
BAQ mälımetınşe, İrannyŋ syrtqy ıster ministrı Abbas Arakchi jeksenbı künı Jenevaǧa ūşyp ketken.
6 aqpanda Oman astanasy Maskatta AQŞ pen İran delegasiialary arasynda İrannyŋ iadrolyq baǧdarlamasy boiynşa kelıssözder ötken edı. AQŞ prezidentı Donald Tramp kelıssözderdıŋ jaqsy ötkenın jäne jalǧasatynyn atap ötken.
Ūqsas jaŋalyqtar
