Qazaqstandyq mänerlep syrǧanauşy Mihail Şaidorov İtaliiada ötıp jatqan Olimpiada oiyndarynda altyn medaldı jeŋıp aldy, dep habarlaidy «Adyrna» tılşısı.
Ol mänerlep syrǧanaudan el qorjynyna alǧaşqy medaldı saldy. Älem chempionatynyŋ kümıs jüldegerı özınıŋ erkın baǧdarlamasynda rekordtyq 198.64 ūpai jinady. Jarys barysynda otandasymyz bırınşı märte 5 ret törttık sekıru elementın sättı oryndai aldy.
Turizm jäne sport ministrı Erbol Myrzabosynov Mihail Şaidorovty tarihi jetıstıgımen qūttyqtady.
«Mihail Şaidorovty Olimpiadanyŋ chempiony atanuymen şyn jürekten qūttyqtaimyn. Būl — talai jylǧy tynymsyz eŋbek pen tabandylyqtyŋ, alǧa qoiǧan maqsatqa degen senımnıŋ jemısı. Bügın Mihail elge zor quanyş syilap, otandyq mänerlep syrǧanauşylardyŋ älemdık deŋgeide bäsekege qabılettı ekenın däleldedı. Būl jetıstık jas sportşylarǧa şabyt berıp, elımızde qysqy sport türlerınıŋ damuyna jaŋa serpın beredı»,- dedı ol.
Turnirdıŋ qorytyndysy boiynşa japoniialyqtar Iýma Kagiiama 2-oryndy, Şun Sato 3-oryndy ielendı.
Būǧan deiın mänerlep syrǧanaudan 2014 jyly Sochi Olimpiadasynyŋ Denis Ten qola jülde alǧan edı.
Aita keteiık, Qazaqstan atynan Olimpiadanyŋ altyn jüldesın sonau 1994 jyly Lillehammer Olimpiadasynda şaŋǧyşy Vladimir Smirnov alǧan edı.
