Şyǧys Qazaqstan oblysynda respublikalyq «Taza Qazaqstan» ekologiialyq bastamasy aiasynda studentterdıŋ qatysuymen «Taza Qazaqstan – jastar taŋdauy» atty aqparattyq-tüsındıru kezdesuı öttı.
Is-şara öŋırdıŋ bolaşaǧyna qatysty aşyq dialog alaŋyna ainalyp, qorşaǧan ortanyŋ tazalyǧy formaldy talap emes, jaŋa buynnyŋ sanaly taŋdauy ekenı atap ötıldı. Kezdesu barysynda ekologiialyq mädeniet, jeke jauapkerşılık jäne tūraqty ärı ekologiialyq qauıpsız qoǧam qalyptastyrudaǧy jastardyŋ rölı mäselelerı keŋınen talqylandy.
Jiyn barysynda «Taza Qazaqstan» bastamasynyŋ negızgı baǧyttary jan-jaqty tanystyrylyp, ekologiialyq qauıpsızdık, tūrmystyq qaldyqtardy ūtymdy basqaru, sondai-aq Şyǧys Qazaqstan oblysynda ekologiialyq volonterlıktı damytu taqyryptary qozǧaldy.
Is-şaranyŋ spikerı «Qoǧamdyq ekologiialyq damu ortalyǧy» QB jetekşısı Iаssa Tanir boldy. Ol öz sözınde: «Taza Qazaqstan» – bır rettık aksiia emes. Būl – jüielı jūmys pen jaŋa ekologiialyq filosofiia. Al däl bügıngı jastar – erteŋgı künnıŋ mädenietın qalyptastyratyn buyn. Olardyŋ sanalylyǧy, bastamaşyldyǧy jäne azamattyq ūstanymy öŋırımız ben elımızdıŋ keleşegın aiqyndaidy», - dep atap öttı.
Kezdesu mazmūndy ärı erkın pıkır almasu formatynda ötıp, qatysuşylardy ortaq ideia töŋıregıne bırıktırdı: tazalyq – jeke taŋdaudan bastalady. Şyǧys Qazaqstan oblysynyŋ jastary būl taŋdaudy bügınnen bastap jasap keledı.
