Qazaqstannyŋ Syrtqy ıster ministrlıgı AQŞ-ta medisinalyq saqtandyru baǧdarlamalaryna bailanysty alaiaqtyq ısı boiynşa ekı Qazaqstan azamatynyŋ ūstalǧanyn rastady, dep habarlaidy "Adyrna".
Ministrlık mälımetınşe, qazaqstandyq tarapqa AQŞ qūqyq qorǧau organdary Qazaqstannyŋ ekı azamatynyŋ ūstalǧany turaly habarlaǧan.
«Syrtqy ıster ministrlıgı sızdıŋ ötınışıŋızde körsetılgen azamattardyŋ ūstalǧany turaly habardar. Būl fakt jönınde qazaqstandyq tarapty AQŞ qūqyq qorǧau organdary habardar ettı. Niu-Iorktegı Qazaqstan Respublikasynyŋ Bas konsuldyǧy osy mäsele boiynşa amerikalyq tarappen tūraqty bailanysta», - delıngen vedomstvonyŋ jauabynda.
Ministrlıkte sondai-aq ūstalǧan azamattardyŋ tuystary būl mäselege qatysty Qazaqstannyŋ diplomatiialyq ökıldıkterıne äzırge jügınbegenı naqtylandy.
Būǧan deiın Chikago qalasynda Qazaqstannyŋ ekı azamatyna AQŞ-tyŋ Medicare jäne Medigap medisinalyq saqtandyru baǧdarlamalarymen bailanysty köpdeŋgeilı alaiaqtyq shemalaryna qatysy bar degen aiyp taǧylǧany belgılı bolǧan.
AQŞ federaldyq prokuraturasynyŋ deregınşe, söz jalǧan medisinalyq qūral-jabdyqtar men diagnostikalyq qyzmetterge berılgen ötınımder arqyly 1 milliard dollardan astam qarjy turaly bolyp otyr.
Aiyptau aktılerınıŋ bırınde Qazaqstan azamaty A. A.-ǧa Medicare baǧdarlamasyna qatysty alaiaqtyqtan tüsken qarajatty zaŋdastyru maqsatynda söz bailasu aiyby taǧylǧan.
Ekınşı ıs boiynşa federaldyq prokuratura Chikago maŋynda tūratyn qazaqstandyq T. S.-ty medisinalyq saqtandyruǧa bailanysty baǧdarlama arqyly aqşa jylystatu maqsatynda söz bailasuǧa qatysty dep aiyptap otyr.
