Jambyl oblysynda poliseiler jük kölıgınıŋ jüktı jürgızuşısıne kömektestı. Äiel qar basqan trassada tūryp qalǧan. Būl turaly Işkı ıster ministrlıgı jazdy, dep habarlaidy "Adyrna".
Qatty qar, boran jäne körınudıŋ şekteluı öŋırdegı jol jaǧdaiyn qiyndatty. Polisiia mälımetınşe, Jambyl oblysynyŋ trassalarynda şamamen 2200 kölık jinalyp qalǧan. Qauıpsızdıktı qamtamasyz etu üşın täulık boiy jaǧdaidy baqylap, jürgızuşılerge kömek körsetıp jürgen 400-ge juyq polisiia qyzmetkerı jūmyldyrylǧan.
Jualy audanyndaǧy Küiık asuynda poliseiler segız ailyq jüktı, köpbalaly ana Oksana Şevchukke kömektesken. Äieldıŋ jük kölıgı jürgızuşısı bolyp jūmys ısteitını jäne boran saldarynan jolyn jalǧastyra almaǧany anyqtalǧan. Qyzmetkerler oǧan ystyq şai berıp, tamaqpen qamtamasyz etıp, jaqyn maŋdaǧy jylytu punktıne deiın jetkızıp salǧan.
«Ekı künnen berı osynda tūrmyz. Polisiia qyzmetkerlerı qoldan kelgennıŋ bärın jasap jatyr: kömek ūiymdastyrdy, jaǧdaidy baqylap, tärtıptı qamtamasyz etude», - dedı jürgızuşı Asqar Mūsylmanov.
Polisiia jürgızuşılerdı joldaǧy jaǧdaidy eskerıp, mümkındıgınşe alys saparlardan bas tartuǧa şaqyrdy.
