Memleket basşysy qazırgı Konstitusiianyŋ tarihi maŋyzyn atap ötıp, soŋǧy 30 jylda Qazaqstannyŋ jetken barlyq jetıstıkterınıŋ negızınde Ata zaŋ tūrǧanyn aitty, dep habarlaidy "Adyrna" ūlttyq portaly.
Ükımettıŋ keŋeitılgen otyrysynda Prezident būl qūjattyŋ qabyldanuy tūŋǧyş prezident Nūrsūltan Nazarbaevtyŋ tabandy eŋbegınıŋ nätijesı ekenın jetkızdı.
"Ärine, qazırgı Konstitusiiamyzdyŋ män-maŋyzyn eşkım joqqa şyǧarmaidy. Soŋǧy 30 jylda jetken barlyq jetıstıgımızdıŋ bastauynda Ata Zaŋymyz tūrǧany sözsız. Būl – tūŋǧyş Prezident Nūrsūltan Äbışūly Nazarbaevtyŋ tabandy eŋbegınıŋ arqasy.
Degenmen būl qūjat elımız endı ǧana eŋsesın tıktei bastaǧan kezde qabyldanǧanyn eskergen jön. Onda Täuelsızdıktıŋ alǧaşqy kezeŋındegı qiyn künderdıŋ ızı bar. Solai boluy da zaŋdy.
Sol kezden berı elımız adam tanymastai özgerdı. Bolaşaǧymyzǧa köbı kümänmen qarasa da, Qazaqstan halyqaralyq bedelı joǧary, myqty memleketke ainaldy.
Qazır älemdegı geosaiasi, geoekonomikalyq, tehnologiialyq ahual tübegeilı özgerıp jatyr. Soŋǧy jyldary Qazaqstan da köptegen özgerıstı bastan ötkerdı. Būl özgerıster ūlt sanasyna yqpal ettı, tıptı, zor sılkınıs äkeldı desek, qate bolmas", - dedı Prezident Toqaev.
Osyǧan bailanysty Prezident elımızdıŋ maqsat-mındetterın, qūndylyqtary men qaǧidattaryn qazırgı zaman talaptaryna sai, konstitusiialyq deŋgeide jaŋǧyrtudyŋ airyqşa maŋyzǧa ie ekenın mälımdedı
