Oqu-aǧartu ministrı Jūldyz Süleimenova Atyrau oblysynda oquşylar arasyndaǧy bulling faktısıne qatysty pıkır bıldırıp, būl mäsele jüielı şeşımdı qajet etetının aitty, dep habarlaidy "Adyrna" ūlttyq portaly.
Ministrdıŋ aituynşa, balalar arasyndaǧy bulling, töbeles jäne älımjettık siiaqty jaǧdailarǧa basqaruşylyq ärı qūqyqtyq tūrǧyda baǧa berıluı tiıs. Alaida mūndai oqiǧalar bolǧan saiyn mektep direktoryn qyzmetten bosatu dūrys şeşım emes ekenın atap öttı.
«Oqu jylynyŋ ortasynda osyndai jaǧdailar oryn alyp, bız direktorlardy jūmystan bosata beretın bolsaq, onda mektep direktorlary tūraqtamaidy. Būl – qisynsyz. Mūndai ülken mäselege jauapkerşılıktı tek direktordan ǧana emes, jalpy qoǧamnan talap etuımız kerek. Onyŋ ışınde mektep äkımşılıgı, ata-analar, pedagogtar, bılım beru basqarmalary jäne uäkılettı organdar da jauapty boluy tiıs», – dedı Jūldyz Süleimenova.
Ministr qazırgı taŋda oquşylar men jasöspırımder arasyndaǧy qūqyq būzuşylyqty azaitu jäne bullingtıŋ aldyn alu baǧytynda keşendı jūmystar jürgızılıp jatqanyn aitty. Onyŋ sözınşe, ötken jyly Jambyl jäne Qyzylorda oblystarynda küştık organdar men prokuratura ökılderınıŋ qatysuymen keŋester ötkızılgen. Osyndai kezdesu juyrda Türkıstan oblysynda da ūiymdastyrylǧan.
Aita keteiık, būǧan deiın Qūlsary qalasyndaǧy A.S. Puşkin atyndaǧy №6 mektepte 10-synyp oquşysy mektep ışınde baltamen özge oquşylardy quyp, qauıp töndırgen.
