Astana – Şuchinsk avtojolynda jol talǧamaityn kölık jürgızuşısı rölde ūiyqtap qalyp, jol-kölık oqiǧasyna sebep boldy, dep habarlaidy "Adyrna" ūlttyq portaly.
«QazAvtoJol» deregınşe, oqiǧa 15 tamyz künı saǧat 08:43-te Astana – Şuchinsk tasjolyndaǧy «Astana» aqyly jol aqysyn alu punktıne jaqyn jerde bolǧan. Aldyn ala mälımet boiynşa, Toyota Land Cruiser Prado kölıgınıŋ jürgızuşısı rölde ūiyqtap ketken. Sonyŋ saldarynan kölık basqarudan aiyrylyp, üşınşı jäne törtınşı jolaqtardyŋ arasyndaǧy jol infraqūrylymynyŋ elementterıne soǧylǧan. Kölıkte jürgızuşıden basqa adam bolmaǧan. Ol medisinalyq kömekten bas tartqan.
Jol-kölık oqiǧasyna bailanysty üşınşı jäne törtınşı jolaqtardaǧy qozǧalys uaqytşa toqtatyldy. Jol polisiiasynyŋ qyzmetkerlerı oqiǧa ornyna saǧat 10:06-da jetken.
Jol-kölık oqiǧasynyŋ saldary joiylǧannan keiın, saǧat 11:34-te atalǧan uchaskedegı kölık qozǧalysy tolyq qalpyna keltırıldı. Aldyn ala mälımet boiynşa, soqtyǧys saldarynan jol belgısı, bölgış jol buferı jäne beton blok zaqymdanǧan.
«QazAvtoJol» jürgızuşılerdı jolda barynşa saq boluǧa şaqyrdy.
