Mäjılıs deputaty Sergei Ponomarev jaŋa Konstitusiia jobasynda ūsynylyp otyrǧan Qūryltai men Halyq Keŋesınıŋ qyzmetıne qatysty tüsınıkteme berdı. Onyŋ aituynşa, Halyq Keŋesınıŋ qūryluy qoǧam tarapynan bırqatar sūraqtardyŋ tuyndauyna sebep bolǧanymen, būl institut qoǧamdyq kelısımdı nyǧaituǧa baǧyttalǧan.
Deputattyŋ sözınşe, Halyq Keŋesı – Qazaqstan üşın jaŋa qūrylym. Osyǧan bailanysty ol 30 jyl boiy jūmys ıstep kele jatqan Qazaqstan halqy Assambleiasynyŋ bolaşaǧy qalai bolatynyna erekşe nazar audarǧan. Sergei Ponomarevtıŋ aituynşa, jaŋa Konstitusiia qabyldanǧan jaǧdaida Assambleianyŋ qūrylymdary Halyq Keŋesınıŋ qūramyna enedı.
«Qūryltai men Halyq Keŋesınıŋ jūmysyna qatysty sūraqtarym tereŋ tüsındırudı qajet ettı. Halyq Keŋesı – mülde jaŋa qūrylym. Qazaqstan halqy Assambleiasy bar, ol 30 jyldan berı jūmys ıstep keledı. Onyŋ qūramynda etnomädeni ortalyqtar arqyly elımızde tūratyn şamamen 130 etnos ökılderı qamtylǧan. Maǧan Assambleianyŋ ornyna qandai qūrylym bolatynyn, onyŋ qalai jūmys ısteitının tüsınu maŋyzdy boldy. Jaŋa Konstitusiia qabyldanǧan jaǧdaida, Assambleianyŋ qūrylymdary Halyq Keŋesınıŋ qūramyna enedı. Qarjylandyru saqtalady, barlyq öŋırlerde Dostyq üilerı öz jūmysyn jalǧastyrady», – dep mälımdedı DW-ge bergen sūhbatynda Sergei Ponomarev.
Sergei Ponomarev sondai-aq Konstitusiianyŋ jaŋa jobasynda tıl saiasatyna qatysty normalar özgerıssız qalatynyn atap öttı. Onyŋ aituynşa, orys tılı memlekettık ūiymdar men jergılıktı özın-özı basqaru organdarynda resmi tıl märtebesın saqtaidy.
Mäjılıs deputaty jalpy alǧanda Konstitusiia jobasyn elde jürgızılıp jatqan saiasi reformalardyŋ logikalyq jalǧasy retınde baǧalady. Onyŋ pıkırınşe, ūsynylyp otyrǧan özgerıster etnosaralyq kelısımdı saqtau, qoǧamdyq tūraqtylyqty qamtamasyz etu jäne memlekettık basqaru jüiesın jaŋǧyrtu maqsattaryna sai keledı.
