İslamabadta Qazaqstan men Päkıstan arasyndaǧy ǧylym, bılım jäne mädeniet salalaryndaǧy yntymaqtastyqty nyǧaitatyn bırqatar maŋyzdy joba jüzege asty. Būl turaly Ǧylym jäne joǧary bılım ministrı Saiasat Nūrbek mälımdedı, dep habarlaidy "Adyrna".
Ūlttyq ǧylym jäne tehnologiialar universitetınde Satbayev University serıktestıgımen qūrylǧan Qanyş Sätbaev atyndaǧy ǧylymi-bılım beru ortalyǧy aşyldy. Jaŋa alaŋ bırlesken zertteuler jürgızuge, akademiialyq almasudy damytuǧa jäne injenerlık kadr daiarlauǧa baǧyttalǧan.
«Qanyş Sätbaev esımı tek tarihtyŋ enşısınde qalmauy kerek. Ol erteŋgı zertteulermen, jas ǧalymdardyŋ ızdenısımen jäne tehnologiialyq serpınmen qatar ataluy maŋyzdy», – dedı Saiasat Nūrbek.
Sondai-aq Kaid-i-Azam universitetınde Äl-Farabi atyndaǧy ortalyq ıske qosyldy. Būl ortalyq gumanitarlyq yntymaqtastyqty keŋeituge, qazaq mädenietın nasihattauǧa jäne bılım beru bastamalaryn damytuǧa mümkındık beredı. Atap aitqanda, qazaq tılın oqytuǧa qatysty jobalar qolǧa alynbaq.
Al İslamabadtaǧy Halyqaralyq islam universitetı bazasynda Qoja Ahmet Iаsaui atyndaǧy Ortalyq Aziianyŋ islam oiy, mädenietı jäne örkenietı boiynşa ǧylymi-zertteu ortalyǧy aşyldy. Jaŋa qūrylym ortaq ziiatkerlık mūraǧa negızdelgen ǧylymi ızdenıster men akademiialyq dialogty damytuǧa baǧyttalǧan.
Resmi baǧdarlamadan tys ötken käsıbi kezdesulerdıŋ de maŋyzy erekşe boldy.
«Köbıne däl osyndai beiresmi dialogtar eŋ tūraqty ärı ömırşeŋ ärıptestıktıŋ ırgesın qalaidy», – dep atap öttı ministr.
Onyŋ pıkırınşe, būl bastamalar ekı el arasyndaǧy yntymaqtastyqtyŋ jaŋa deŋgeige köterılgenın körsetedı.
«Qazaqstan men Päkıstan arasyndaǧy ǧylym jäne bılım salasyndaǧy yqpaldastyq tereŋdei tüsıp keledı. Būl üderıste adamdar, universitetter jäne naqty bırlesken jobalar basty qozǧauşy küşke ainalyp otyr», – dedı Saiasat Nūrbek.
