Qarjy monitoringı agenttıgı Erbolat Janäbılov pen Elmira Tölegenovaǧa qatysty sotqa deiıngı tergep-tekserudı aiaqtady, dep habarlaidy «Adyrna» tılşısı.
QMA Astana qalasy boiynşa departamentı mälımetınşe, blogerler öz jazyluşylarynyŋ senımın zaŋsyz tabys tabu maqsatynda paidalanǧan. 2025 jyly olar onlain-kurstardy satu degen jeleumen zaŋsyz shema ūiymdastyrǧan. Atalǧan «kurstardy» satyp aludyŋ negızgı sebebı – qymbat syilyqtar ūtysyna qatysu bolǧan.
«Taratylǧan beinematerialdar basym bölıgı basym bölıgı aşyq derekközderden, sonyŋ ışınde YouTube platformasynan alynǧan. Būl kurstardyŋ naqty bılım beru qūndylyǧy bolmaǧan jäne olar zaŋsyz lotereia qyzmetın formaldy türde jasyru üşın ǧana paidalanylǧan.
Jülde qory jariia türde mälımdelgendei jeke qarajaty esebınen emes, onlain-kurstarǧa aqy töleu türınde qatysuşylardan tüsken aqşa qarajaty esebınen qalyptastyrylǧan.
Elektrondy «sättılık barabanynyŋ» parametrlerın özgertu faktılerı anyqtaldy, sonyŋ nätijesınde 5 000 teŋgelık jüldenı ūtyp alu yqtimaldyǧy jasandy türde arttyrylyp, al qūndy jüldelerdı ūtyp alu mümkındıgı edäuır tömendetılgen»,-delıngen habarlamada.
QMA aituynşa, küdıktıler jariia türde eŋ köp repost jasaǧan qatysuşyǧa 11-nşı avtokölıktı tabystalǧany turaly mälımdep, aksiianyŋ qamtu aiasyn keŋeitu men nazar audaru maqsatyn közdegen. Alaida ıs jüzınde jeŋımpaz anyqtalmaǧan jäne syilyq tabystalmaǧan.
«Nätijesınde azamattardan «Zhana Business» JŞS-nıŋ baqylauyndaǧy şottarǧa tüsken qarajattyŋ jalpy somasy 247,5 mln teŋgenı qūraǧan, onyŋ 60 mln teŋgesı depozittık şottarǧa ornalastyrylǧan. Sot sanksiiasymen 17 iPhone ūialy telefonyna jäne Lamborghini Urus pen Lexus LX 600 avtokölıkterın qosa alǧanda, 10 avtokölıkke tyiym salyndy. Küdıktılerge qatysty üiqamaq türındegı būltartpau şarasy taŋdaldy»,-dep tolyqtyrdy agenttık.
Qazırgı uaqytta küdıktıler qylmystyq ıs materialdarymen tanysuǧa kırısken. Qazaqstan Respublikasy Qylmystyq-prosestık kodeksınıŋ 201-babyna säikes özge aqparat jariia etuge jatpaidy.
