Türkıstan qalasynda qyz balany zorlady degen küdıkpen poliseiler ūstaldy, dep habarlaidy “Adyrna” ūlttyq portaly.
18 jastaǧy tūrǧynynyŋ aryzy negızınde jynystyq qatynasqa mäjbürleu faktısı boiynşa qylmystyq ıs qozǧaldy.
Jelıde jariialanǧan mälımetke säikes, atalǧan qyzmetkerler zorlau deregı boiynşa küdıkke ılınıp, qyzmetten bosatylǧan.
Atalǧan jaǧdaiǧa bailanysty ışkı ıster ministrlıgınıŋ resmi ökılı Şyŋǧys Älekeşev pıkır bıldırdı.
«Türkıstan qalasynyŋ 18 jastaǧy tūrǧynynyŋ aryzy negızınde jynystyq qatynasqa mäjbürleu deregı boiynşa qylmystyq ıs qozǧaldy. Qazırgı uaqytta būrynǧy polisiia qyzmetkerlerınıŋ būl oqiǧaǧa yqtimal qatysy tolyq kölemde tekserılude. Sotqa deiıngı tergep-tekseru aiasynda olardyŋ äreketterıne prinsiptı qūqyqtyq baǧa berıletın bolady», – dedı ol.
Ministrlıktıŋ mälımetınşe, jürgızılgen qyzmettık tekseru nätijesınde atalǧan qyzmetkerler ışkı ıster organdarynan qyzmettık bedelge nūqsan keltırgenı üşın, terıs sebeptermen jūmystan bosatylǧan.
«Qazır oqiǧanyŋ barlyq män-jaiyn jan-jaqty, tolyq ärı obektivtı anyqtauǧa baǧyttalǧan qajettı tergeu äreketterınıŋ keşenı jürgızılude. Tergeu barysy Işkı ıster ministrınıŋ erekşe baqylauynda», – dep mälımdedı ministrlık ökılı.
