Konstitusiialyq komissiianyŋ üşınşı otyrysynda Mäjılıs deputaty Elnūr Beisenbaev Komissiia jūmysy qoǧamnyŋ zamanaui sūranystaryna jauap beretın Ata zaŋdy daiyndauǧa baǧyttalǧanyn atap öttı. Ol «AMANAT» partiiasy reformalardy jüzege asyruǧa belsendı qatysyp otyrǧanyn jäne Prezident bastamalaryn qoldaitynyn aitty.
Deputattyŋ aituynşa, Komissiia aşyqtyq qaǧidattary men barlyq saiasi partiialardyŋ pıkırın eskeru negızınde jūmys ısteude, al konstitusiialyq özgerıster institusionaldyq tūrǧydan myqty Parlament qalyptastyruǧa baǧyttalǧan.
«Bügıngı taŋda bız qoldanystaǧy negızgı zaŋǧa tüzetuler engızu boiynşa ǧana emes, Ädılettı Qazaqstannyŋ sūranystaryna jauap beretın jaŋa Konstitusiiany ıs jüzınde qalyptastyryp jatyrmyz. Būl, küştı Prezident – yqpaldy Parlament – esep beretın Ükımet qaǧidatyna negızdelgen, bilık arhitekturasyn jüielı türde qaita qūru degen söz», – dedı Elnūr Beisenbaev.
Ol bır palataly Parlamentke köşu zaŋ şyǧaru ısın jedeldetıp, saiasi partiialardyŋ rölın küşeitetınıne ärı deputattardyŋ qoǧam aldyndaǧy jauapkerşılıgın arttyratynyna nazar audardy.
«Barlyq zaŋdar bır Parlamentte üş oqylymnan ötedı: alǧaşqy ekeuı – aşyq türde, üşınşısı – Konstitusiia men ūlttyq zaŋnamaǧa säikestıgın tekseru üşın. Būl lobbistık yqpal men jeke müddelerdıŋ aralasuyn tolyqtai joqqa şyǧarady», – dep atap öttı deputat.
Beisenbaev sondai-aq proporsionaldy sailau jüiesınıŋ jäne partiiaışılık praimerizdıŋ maŋyzyn aitty. Onyŋ sözınşe, būl tetıkter sailauşylar men Parlament qūramy arasyndaǧy tıkelei bailanysty qamtamasyz etedı, onyŋ ışınde jeke azamattardyŋ ökılderı de bolady.
«Proporsionaldy jüie sailauşy men Parlament arasyndaǧy tıkelei bailanysty bıldıredı. Partiia ärbır dauys üşın küresedı, onyŋ ışınde täuelsız azamattyŋ dauysy da bar, būl qoǧam aldyndaǧy jauapkerşılıktı küşeitedı», – dedı deputat.
Sonymen qatar, otyrys barysynda nekenı er men äieldıŋ odaǧy retınde bekıtu turaly, Konstitusiianyŋ preambulasyn «Ädılettı Qazaqstan» jäne «Zaŋ men tärtıp» qaǧidattaryna basymdyq bere otyryp jaŋartu, sondai-aq ziiatkerlık menşıktı qorǧaudy küşeitu jönındegı tüzetuler ūsynyldy.
«Bolaşaq Parlamenttı Qūryltai dep atau – tarihi ärı qazırgı zaman üşın maŋyzdy. Būl dästürmen, ūlttyq ruhpen jäne halyq aldyndaǧy jauapkerşılıkpen sabaqtastyqty bıldıredı», – dep sözın tüiındedı Elnūr Beisenbaev.
