Almaty köşelerınen Qazaqstannyŋ TJM belgısı bar Tesla Cybertruck elektrokary baiqalǧan. Kölıktıŋ memlekettık satyp alu portaly arqyly resmi türde alynǧany belgılı boldy, dep habarlaidy “Adyrna” ūlttyq portaly.
Qūjattarǧa säikes, Almaty qalalyq Tötenşe jaǧdailar departamentı TOO Zharyq kompaniiasynan «operativtı-jolauşy avtokölıgın» satyp alǧan. Kelısımşarttyŋ jalpy qūny şamamen 127,5 million teŋgenı qūraidy. Būl baǧa kolesa saitynda körsetılgen kölıkterdıŋ baǧasynan qymbat. Kölıktıŋ bazardaǧy baǧasy körsetılgen osy resurstyŋ mälımetınşe, atalǧan kölıktıŋ jaŋadan şyqqan arnaiy BEAST CYBERBEAST nūsqasynyŋ özı 125 mln teŋgeden qymbat emes. Būl nūsqanyŋ kölıktıŋ osy türınıŋ basqa türınen aiyrmaşylyǧy üş motormen jabdyqtalǧan. TJD satyp alǧan kölıktıŋ qandai nūsqa ekenı, qandai artyqşylyqqa ie ekendıgı naqty aitylmai, jalpylama ǧana sipattama berılgen.
Kelısımşartqa tırkelgen tehnikalyq sipattamada atalǧan elektromobildıŋ bırneşe maqsatta paidalanylatyny körsetılgen. Atap aitqanda, Tesla Cybertruck basşylyq pen mamandardy oqiǧa ornyna jedel jetkızuge, jaǧdaidy bastapqy baǧalauǧa, onyŋ ışınde qoljetımdılıgı qiyn aimaqtarda, qūtqaruşylar, ört söndıruşıler men medisina qyzmetkerlerınıŋ jūmysyn üilestıruge, 1000 kelıge deiıngı jabdyq pen şaǧyn jükterdı tasymaldauǧa, kürdelı ärı qoljetımsız aumaqtarda patrul jürgızıp, jedel äreket etuge arnalǧan.
Qūjatta kölıktıŋ tolyq jetektı jüiesı, elektr qozǧaltqyştarynyŋ jyldam jauap beru mümkındıgı men beiımdeletın aspasynyŋ arqasynda joǧary ötımdılık pen dinamikaǧa ie ekenı atap ötılgen. Sondai-aq, tot baspaityn bolattan jasalǧan berık, soqqyǧa tözımdı äinekter qyzmetkerlerdıŋ qauıpsızdıgın qamtamasyz etetını körsetılgen.
Aita keteiık, TJM kölıktı negızınen Almatynyŋ tauly aimaqtarynda jäne oǧan ırgeles jerlerde paidalanu josparlanyp otyrǧanyn aitqan edı.
