“Ózim-aq súrtemin”. Avtobýsta tosap tógip alǵan qart adamdy qorǵaǵan qyzdyń vıdeosy talqyǵa tústi

2720
Adyrna.kz Telegram

Almatydaǵy avtobýstardyń birinde qart adam bankadaǵy tosabyn tógip alyp, oǵan eki jolaýshy áıel zekip sóıleı bastaıdy. Arasha bolǵan jasóspirim qyzdy synǵa alǵan vıdeo jelide tarady, dep jazady “Adyrna”. Vıdeodaǵy qyzben Tengri tilshileri tildesti.

Zeınetkerge kómek kórsetken 15 jastaǵy Jannur esimdi qyz ekeni belgili boldy. Ol qart adamnyń jaǵdaıyn túsip, “salǵyrttyq tanyttyń” dep jazǵyrǵan eki áıelge qarsy shyǵady. Tipti ol jerge tógilgen tosapty “ózim-aq súrtemin” dep, kúrtesimen bylǵanǵan jerdi tazalap shyqty.

«Meni bala kezimnen adamdarǵa qamqor bolýǵa jáne kómektesýge úıretti.
Men ádildikti jaqtaımyn jáne eki áıeldiń bul isin túsine almadym.
Olardyń álgi atany jazǵyrǵany maǵan qatigezdik bolyp kórindi. Tógilgen tosap úshin olardan kóptegen jaǵymsyz sózder estidi».

«Olardyń sózi meni renjitken joq, bul olardyń tárbıelik, mádenıettilik deńgeıi. Degenmen, men bárin durys jasadym ba dep oıladym. Óıtkeni ol janjaldy sheshýge tyrysqan sııaqty, biraq jaǵdaı ýshyǵyp ketti» dep bólisti pikirimen Jannur.

Vıdeo siltemede : https://www.instagram.com/reel/CwnQckCt7j0/?igshid=MzRlODBiNWFlZA== 

Pikirler