İran azamattyq ūşaqtar üşın öz äue keŋıstıgın jabu turaly resmi habarlama taratty. Būl özgerıs tek arnaiy rūqsatpen elge kıretın nemese elden şyǧatyn halyqaralyq reisterge ǧana qoldanylady, dep habarlaidy «Adyrna» tılşısı Flightradar24 servisıne sılteme jasap.
Tegerannyŋ mūndai şeşım qabyldauyna ne sebep bolǧany naqtylanbady.
Būǧan deiın Germaniia bilıgı öz äue kompaniialaryna İrannyŋ äue keŋıstıgın paidalanbauǧa keŋes bergen edı. Al Ūlybritaniia bilıgı eldegı jalǧasyp jatqan tärtıpsızdıkterge bailanysty Tegerandaǧy elşılıgın uaqytşa jauyp, qyzmetkerlerın evakuasiialaǧanyn mälımdegen.
İnterfaks mälımetınşe, Polşa, İtaliia jäne İspaniia bilıgı öz azamattaryn «qolda bar kez kelgen täsılmen» elden dereu ketuge şaqyrǧan. Osyndai ündeudı AQŞ azamattaryna AQŞ prezidentı Donald Tramp ta jasaǧan edı.
Būǧan deiın Aq üi basşysy Tegerannyŋ jappai narazylyqtarǧa qatysuşylarǧa qatysty äreketterıne jauap retınde İslam Respublikasyna qarsy äskeri operasiia jürgızu mümkındıgın joqqa şyǧarmaǧan. Keşe keşke Reuters agenttıgı AQŞ aldaǧy 24 saǧat ışınde İranǧa soqqy beruı mümkın ekenın habarlaǧan bolatyn.
Reuters jariialanymynan keiın Trampqa İranda şeruşılerdı öltıru toqtatylǧany turaly aityldy. Būl mümkın bolatyn äskeri äreketterden bas tartudy bıldıre me degen sūraqqa Tramp Vaşington jaǧdaidyŋ damuyn baqylaudy jalǧastyratynyn mälımdegen bolatyn.
