AQŞ prezidentı Donald Tramp Ökılder palatasynda Respublikalyq partiia müşelerımen ötken kezdesude transgender sportşylardy äjualady, dep habarlaidy «Adyrna» tılşısı.
Aq üi basşysynyŋ söz söilegen sätınen tüsırılgen videony bırqatar būqaralyq aqparat qūraldary jariialady. Videoda Tramp gantel köterıp tūrǧandai qimyl jasap, bet-auzyn qisaitady.
«Jūbaiym mūny jasaǧanymdy jek köredı. Ol mūndai äreket prezidentke laiyq emes dedı. Bıraq men oǧan: “Men bärıbır prezident boldym ǧoi”, - dep jauap berdım», – dedı Tramp sahnada.
Sondai-aq ol transgenderlık auysudan ötken ekı sportşynyŋ bokstan altyn medal jeŋıp alǧanyn aityp, mūny «absurd» dep atady jäne olardyŋ «būryn-soŋdy kezdespegen küşke tap bolǧanyn» mälımdedı.
Aita keteiık, Tramp būǧan deiın de osyndai pıkırler aitqan. 2025 jyldyŋ mamyr aiynda Alabama universitetınde söilegen sözınde de ol transgender sportşylar turaly ironiiamen pıkır bıldırgen bolatyn.
