28 jeltoqsanda AQŞ prezidentı Donald Tramp pen Ukraina basşysy Vladimir Zelenskii Florida ştatynda kezdestı, dep habarlaidy «Adyrna» tılşısı.
Kelıssözderden keiın ötken bırlesken baspasöz mäslihatynda Aq üi basşysy kezdesuge «öte keremet» degen baǧa berdı. Aituynşa, ekı el prezidentı Europa elderı jäne NATO basşylarymen de telefon arqyly söilesken.
Tramp qos taraptyŋ köptegen mäselenı talqylaǧanyn atap öttı.
«Bız edäuır jaqyndadyq, tıptı beibıt kelısımge qol jetkızuge öte jaqyn qaldyq dep oilaimyn. Ukraindardyŋ 91 paiyzy soǧystyŋ aiaqtalǧanyn qalaidy. Resei de ony aiaqtaǧysy keledı. Barlyǧy soǧystyŋ bıtkenın qalaidy»,- dedı ol.
Öz kezegınde Zelenskii kelıssöz qorytyndysy boiynşa Ukrainanyŋ qauıpsızdık kepıldıkterıne qatysty ortaq tüsınıkke kelgenderın mälımdep, beibıt jospardyŋ 90 paiyzy kelısılgenın aitty.
Alaida AQŞ prezidentı beibıt jospardyŋ şamamen 90 paiyzy tübegeilı kelısılgenımen, älı bır-ekı mäsele şeşılmei tūrǧanyn, olardyŋ ışındegı eŋ kürdelısı — aumaq mäselesı ekenın atap öttı.
«Ukrainaǧa kelısımdı qazır jasaǧany dūrys, äitpese taǧy jerınen ärı adamdarynan aiyryluy mümkın», — dedı Tramp.
Ol Ukrainanyŋ batyl şaiqasqanyn aita kele, «qaqtyǧysty toqtatatyn uaqyt keldı» dedı. Sonymen bırge AQŞ prezidentı retteu mäselelerı Ukrainada jalpyūlttyq referendum arqyly nemese parlament maqūldaǧannan keiın şeşıluı tiıs ekenın aitty.
Sonymen qatar Tramp bolaşaqta Ukrainanyŋ qauıpsızdık kepıldıkterınıŋ negızgı bölıgı Europa elderıne jükteletının taǧy da aitty.
Baspasöz mäslihatynyŋ soŋynda Tramp pen Zelenskiidıŋ kelesı kezdesuı 29 jeltoqsanda ötuı mümkın ekenı habarlandy.
