Ridder qalasynda kölık jürgızuşısı balany qaǧyp, oqiǧa ornynan qaşyp ketken, dep habarlaidy «Adyrna» tılşısı noks.kz-ke sılteme jasap.
Oqys oqiǧa 23 jeltoqsanda köpqabatty tūrǧyn üidıŋ aulasynda bolǧan.
Alty jastaǧy bala podezden jügırıp şyqqan sätte ony ötıp bara jatqan avtokölık qaǧyp ketken. Soqqydan bala bırneşe metrge ūşyp ketkenımen, özdıgınen ornynan tūrǧan. Jürgızuşı kölıkten şyǧyp, balamen söilesken. Alaida balanyŋ jaǧdaiyn «qalypty» dep baǧalap, eşqandai kömek körsetpesten oqiǧa ornynan ketıp qalǧan.
Jylap tūrǧan balany jäne bolǧan jaittyŋ bärın kuägerler körgen. Olar dabyl qaǧyp, jergılıktı chatta jol apaty turaly habarlaǧan. Aulaǧa ornatylǧan beinebaqylau kameralary oqiǧany tolyq tırkep alǧan. Aqparat qala ışınde tez tarap, jol apaty ornyn tastap ketken jürgızuşı anyqtalyp, polisiia bölımıne jetkızılgen.
«23 jeltoqsanda Ridder qalasynda Lada X-Ray avtokölıgınıŋ jürgızuşısı tūrǧyn üilerdıŋ bırınıŋ maŋynda kämeletke tolmaǧan jaiau jürgınşını qaǧyp kettı. Jol-kölık oqiǧasy saldarynan zardap şekken bala medisinalyq mekemege jetkızıldı. Polisiia qyzmetkerlerı jürgızuşını anyqtady, kölıgı tärkılenıp, arnaiy tūraqqa qoiyldy. Atalǧan derek boiynşa tiıstı saraptamalar taǧaiyndalyp, olardyŋ nätijesıne qarai prosessualdyq şeşım qabyldanady»,- dedı Şyǧys Qazaqstan oblysynyŋ polisiia departamentı.
Bala medisinalyq mekemege jetkızılgen. Qazır onyŋ jaǧdaiy tūraqty.
