Energetika vise-ministrı Erlan Aqkenjenov brifing kezınde Ekıbastūz ben Ridderdıŋ jylu beru mausymyna daiyndyǧyn söz ettı, dep habarlaidy "Adyrna" ūlttyq portaly zakon.kz-ke sılteme körsete otyryp.
Brifingke qatysqandar Ekıbastūzdaǧy jöndeuden ötken magistraldy synau kezınde qūbyr jarylǧanyn eske saldy. Osyny alǧa tartqan olar vise-ministrden "atalǧan qala tūrǧyndarynyŋ jylytu mausymynda taǧy bürısıp, toŋuǧa mäjbür bolyp jürmeidı me" dep sūrady.
Ministr orynbasary özınıŋ energetik emes ekenın alǧa tartyp, ärıptesterıne senım bıldıretının jetkızdı. Ol Ekıbastūzda da, Ridderde de problema tuyndamaitynyn aitty.
"JEO-ny äleumettık mazutpen qamtamasyz etu jaiyn aita alamyn. Bügıngı taŋda baǧasy 115 myŋ teŋgeden 263 myŋ tonna arzandatylǧan mazut josparlanǧan. Bız būl mazutty oblystarǧa bölu kestesın bekıttık. Äkımdıktermen jūmys jürgızıldı, äkımdıkter qazır satyp alu jūmystarymen ainalysyp jatyr nemese olar būl jūmysty aiaqtap, jylytu mausymyna daiyndaluda. Mazutpen jylytylatyn JEO men qalalar mausymǧa der kezınde daiyn bolady", - dedı vise-ministr.
"Menıŋ ärıptesterımnıŋ, energetikterdıŋ aituynşa, būl qalalar uaqytynda jyluǧa qosyluy tiıs. Şynymdy aitsam, men energetik emespın. Energetika blogyndaǧy ärıptesterım adamdardy jylumen qamtamasyz etu üşın qoldan kelgennıŋ bärın jasaitynyn bılemın. Ridderdegı JEO-nyŋ bügıngı taŋdaǧy mazut qory 180 myŋ tonnany qūraidy, būl - qazandyqtardy ıske qosu-retteu jūmystaryn jürgızuge jetkılıktı kölem. Qalǧan kömır qory 8 000 tonnany qūraidy", - dep atap öttı spiker.
"Adyrna" ūlttyq portaly
Ūqsas jaŋalyqtar
