«Samūryq-Qazyna» ūlttyq äl-auqat qory Qazaq Air äue kompaniiasyndaǧy baqylau paketın satu jönındegı mämılenı aiaqtady, dep habarlaidy "Adyrna" ūlttyq portaly Tengri Travel-ge sıltep.
Qūjatqa säikes, 2025 jylǧy 6 mamyrda qor Qazaq Air aksionerlık qoǧamynyŋ 51 paiyz aksiiasyn satu-satyp alu mämılesın tüpkılıktı japty. Onyŋ ışınde 49 paiyzy Central Asia Aviation Holdings Limited jeke kompaniiasyna, al 2 paiyzy Kazasía Holdings Limited jauapkerşılıgı şekteulı serıktestıgıne berılgen.
«Äue kompaniiasyndaǧy 51 paiyz ülestı ıske asyru qūny 1,020 mlrd teŋgenı qūrady», – delıngen «Samūryq-Qazyna» qorynyŋ resmi qūjatynda.
Mämıle nätijesınde qor Qazaq Air kompaniiasyna baqylau jürgızu qūqyǧynan aiyryldy. Degenmen «Samūryq-Qazyna» äue tasymaldauşynyŋ qyzmetıne eleulı yqpalyn saqtap qaldy jäne investisiiany qauymdastyrylǧan kompaniia retınde ädıl qūny boiynşa moiyndady.
Aita keteiık, ötken jyldyŋ jeltoqsan aiynda Central Asia Aviation Holdings Limited konsorsiumy (Vetnamnyŋ Sovico Group qūramyna kıredı) qazaqstandyq Qazaq Air äue kompaniiasyn satyp alǧan bolatyn.
