Premer-ministrdıŋ bırınşı orynbasary Roman Skliardyŋ töraǧalyǧymen kiıkter populiasiiasyn tūraqty basqaru boiynşa ötkızılgen ıs-şaralardyŋ qorytyndylary tyŋdaldy. Būl turaly 2 jeltoqsanda Ükımettıŋ baspasöz qyzmetı jazdy, dep habarlaidy «Adyrna» tılşısı.
Keŋeste Ekologiia jäne tabiǧi resurstar ministrı Erlan Nysanbaev, sondai-aq basqa da memlekettık organdardyŋ ökılderı söz söiledı.
Ekologiia ministrlıgınıŋ derekterı boiynşa Qazaqstandaǧy kiıkterdıŋ sany bügın rekordtyq deŋgeige, 4 mln daraqqa jetken. Sondai-aq 2026 jyly töldeuden keiın şamamen 5 mln daraqty qūraidy.
Osyndai qarqyndy ösudı eskere otyryp, uäkılettı organdar Zoologiia instituty daiyndaǧan biologiialyq negızdeme negızınde auyl şaruaşylyǧyna ziian keltırmeu jäne ekojüielık tepe-teŋdıktı saqtau üşın januarlar sanyn tūraqty basqaru boiynşa ıs-şaralar jürgızgen.
Mäselen, osy jyly 1 şıldeden 30 qaraşaǧa deiın 196 myŋǧa juyq daraq tärkılendı, ūşalary otandyq et öŋdeu käsıporyndaryna berılgen. Jūmystar ǧylymi ūsynymdarǧa säikes qataŋ türde jürgızılgen.
«Kiıkterdıŋ barlyq müiızderı eskerılıp, taŋbalanyp, Ministrlıkke vedomstvolyq baǧynysty «Ohotzooprom» ÖB» RMQK ūiymynda küşeitılgen küzet jäne mamandandyrylǧan infraqūrylym jaǧdailarynda saqtalady»,-delıngen habarlamada.
Jiyn qorytyndysy boiynşa Roman Skliar Ekologiia jäne tabiǧi resurstar ministrlıgıne jäne basqa da müddelı memlekettık organdarǧa 2026 jylǧa kiık sanyn tūraqty basqaruǧa daiyndyq boiynşa şaralar qabyldaudy, sondai-aq CITES şeşımderın eskere otyryp, derivattardyŋ taŋbalanuy men ainalymy jönındegı normativtık bazany qalyptastyrudy aiaqtaudy tapsyrdy.
