Ündıstannyŋ 12 ştatynda 118 million äiel endı üi şaruasyn jürgızgenı üşın tūraqty tölem alady, dep habarlaidy «Adyrna» tılşısı BBC-ge sılteme jasap.
Qarajat üi şaruasyn jürgızu jäne kütım jasau mındetterın oryndaǧany üşın tölenedı. Tölem mölşerı aiyna şamamen 12–30 AQŞ dollaryn qūraidy. Būl ortaşa bır üi şaruaşylyǧy tabysynyŋ nebärı 5–12 paiyzy bolsa da, qarajat tūraqty türde berılıp, äielderge ony otbasynyŋ qajettılıkterıne — balalardyŋ bılımıne, azyq-tülıkke, tamaq daiyndauǧa arnalǧan gazǧa, medisinalyq şyǧyndarǧa, ūsaq qaryzdardy öteuge, keide jeke qajettılıkterıne nemese altyn äşekeiler satyp aluǧa jūmsauǧa mümkındık beredı.
Baǧdarlamaǧa qatysu talaptary är ştatta ärtürlı. Irıkteu kezınde jas mölşerı men tabys deŋgeiı eskerıledı, sondai-aq memlekettık qyzmetkerlerı bar, salyq töleitın, avtokölıgı nemese ırı jer telımı bar otbasylar būl baǧdarlamadan tys qalady.
London koroldık kolledjınıŋ qūqyq jäne äleumettık ädılet professory Prabha Kotisvaran būl baǧdarlamany «Ündıstan ştattary deŋgeiınde äielderge arnalǧan äleumettık qamsyzdandyru jüiesınıŋ eleulı ūlǧaiuy» dep baǧalady. Onyŋ aituynşa, tölemder äielderge üi şaruaşylyǧynyŋ da, özderınıŋ de eŋ özektı qajettılıkterın öteuge mümkındık berıp, qarjylyq täuelsızdık sezımın qaitarady.
Saiasi ortada būl bastamany synǧa alǧandar da bar. Keibıreuler ony aldaǧy sailaular qarsaŋynda dauys satyp aludyŋ bır täsılı retınde baǧalaidy. Sonymen qatar tölemderge ketetın şyǧyndar ştat biudjetterıne eleulı salmaq tüsırmek. Biyl būl baǧdarlamaǧa şamamen 18 mlrd dollar jūmsau josparlanǧan.
Būǧan deiın Ündıstan astyq, janarmai jäne auyl şaruaşylyǧy önımderıne subsidiia berıp kelgen edı.
