Qaraǧandy oblysynda rels auystyryp jatqan tört jūmysşyny jük poiyzy basyp kettı. Būl turaly QTJ baspasöz qyzmetı jazdy, dep habarlaidy «Adyrna» tılşısı.
Qaiǧyly oqiǧa bügın, 10 jeltoqsanda saǧat 17:15-te Şeşenqara – Qarajanǧyl aralyǧyndaǧy Moiynty – Şyǧanaq uchaskesınde bolǧan. QTJ mälımetınşe, baǧyt boiymen kele jatqan jük poiyzy maşinisı joldaǧy temırjolşylardy baiqap, şūǧyl tejeu qoldanǧan. Ol sätte Saryşaǧan stansiiasynyŋ jol jöndeu brigadasy relstı auystyru boiynşa josparly jūmystar jürgızıp jatqan.
«Barlyq qajettı şaralarǧa qaramastan, jazataiym oqiǧanyŋ aldyn alu mümkın bolmady. Tört jūmysşy jaraqattan köz jūmdy. Oryn alǧan oqiǧanyŋ barlyq män-jailary men sebepterın anyqtau üşın «QTJ» ŪK» AQ Basqarma Töraǧasynyŋ tapsyrmasy boiynşa «QTJ – Jük tasymaly» JŞS jäne Magistraldyq jelı direksiiasy basşylarynyŋ qūramynda «QTJ» ŪK» AQ bas injenerı bastaǧan arnaiy komissiia qūryldy. Komissiia tekserıs jürgızu üşın oqiǧa ornyna jedel attandy. «Qazaqstan temır joly» ŪK» AQ qaza tapqandardyŋ tuystary men jaqyndaryna köŋıl aitady. Qaza tapqandardyŋ otbasylaryna qoldau körsetıledı»,- delıngen habarlamada.
