Memleket basyshysy Qasym-Jomart Kemeluly Almaty qalasyna jumys saparymen keldi. Is-sapary barysynda ol qala halqymen kezdesý óttkizip, aımaqtaǵy túıitkildi máselelerdi aıshyqtap berdi, dep habarlaıdy «Adyrna» tilshisi.
Kezdesý kezinde Prezıdent Turǵyn-úı kommýnaldyq sharýashylyǵy tóńireginde oı órbitti. Toqaev alyp qalanyń birqatar aýdanynda ortalyqtan beriletin sý joqtyǵyn alǵa tartty. Aıtýynsha, áli kúnge Almatynyń 30 myńǵa jýyq turǵyny sýdy tasyp ishedi eken. Osyny eskergen Prezıdent qala ákimdigine 3 jyldyń ishinde barlyq turǵyndarǵa ortalyqtan sý berýdi tapsyrdy.
«Aldaǵy 2 jylda Qarǵaly, Aqsaı ózenderinen sý alatyn 2 iri qurylǵyny iske qosý kerek. Naýryzbaı jáne Alataý aýdandarynda sý jınaıtyn jańa ortalyqtar salý qajet. Bul sharalardyń arqasynda 150 myń adamǵa sý beriledi. Ermensaı jáne Barlyq ózenderinen sý tartý júıesin de iske qosý mańyzdy»,- dedi Memleket basshysy.
Sý – tirshilik kózi. Turǵyndardyń ómir sapasy tikeleı sýǵa baılanysty. Sondyqtan, sýmen qamtamasyz etetin jańa jeli salý, eskilerin jańǵyrtý jumysyn basty nazarda ustaý kerek, degen Prezıdent Almatynyń tarıhı ortalyǵynda kommýnaldyq ınfraqurylymnyń tozyp bara jatqanyn eske saldy.
«Ákimdik ondaǵy eskirgen jelini ýaqtyly jańǵyrtyp otyrýy kerek. Mysaly, «Tarıfti ınvestıııaǵa aıyrbastaý» baǵdarlamasy bar, sony tıimdi paıdalanǵan jón. Barshańyzǵa belgili, qala halqynyń sany kún ótken saıyn ósip keledi. Sondyqtan, turǵyn-úı qurylysyna aıryqsha mán beriledi»,-dedi óz sózinde Toqaev.
