Qarasai audanyna qarasty Abai auylyndaǧy №2 orta mektepte Memleket jäne qoǧam qairatkerı, Qazaqstan Respublikasy Parlamentı Mäjılısınıŋ V şaqyrylymynyŋ deputaty, «Qūrmet», «Parasat» ordenderınıŋ iesı Orazgül Asanǧazynyŋ qatysuymen «Ata-ana - balanyŋ ainasy» taqyrybynda ata-analarǧa arnalǧan erekşe forum öttı.
Taǧylymdy forumda ūlttyq qūndylyqtarymyz jaily, tıl mäselesı, otbasy instituty men qoǧamda özektı mäselege ainalǧan şaŋyraqtardyŋ şaiqaluy sekıldı özektı mäseleler qozǧaldy. Forum barysynda Orazkül Asanǧazy qatysuşylarmen erkın formatta pıkır almasyp, otbasylyq bereke men tatulyqtyŋ maŋyzy turaly oilarymen bölıstı. Sonymen qatar, jastarǧa ömırlık täjıribesınen mysaldar keltırıp, ūlttyq tärbie men ruhani bırlıktıŋ otbasyndaǧy rölıne toqtaldy. Mektep direktory Samat Süiımbekūlynyŋ ūiytqy boluymen ūiymdastyrylǧan şaraǧa mektep ūjymynan bölek 200-den astam ata-ana qatysty.
Forum mektep oquşylarynyŋ tuǧan jer, Otanǧa arnalǧan horymen bastalyp, odan ärı Säbetai Sypataevtyŋ «Kök börım kökke ūlyǧan» poemasynan kompozisiiasymen jalǧasty. Būl körınıske erekşe tolqyǧan Orazgül apai: «Men kezdesuge şaqyrǧandaryŋyzǧa qatty quanyp tūrmyn. Äsırese myna kompozisiia erekşe tolqytty. «Men – qazaqpyn» dep bastap, Tılegım tynyştyǧynda Elımnıŋ.
Düniem tügelde «qoŋyrmyn».
Jüregım tabiǧatpen tamyrlas,
İesımın Jerımnıŋ!» dep bıtırdı ǧoi. Osy sertımızden ainymauymyz kerek. Osy jerdıŋ iesı retınde tılımızdı, dılımızdı saqtauǧa, ūlttyq bolmysymyzdan ainymauǧa tyrysuymyz kerek. Bolaşaqta ūlttyŋ joǧyn joqtar Orazgül Asanǧazylar osylar dep bılemın» dep rizaşylyǧyn bıldırdı.
Sondai-aq «2020–2024 jj. derek boiynşa Qazaqstan, ökınışke qarai, älem elderı ışınde ajyrasu deŋgeiı boiynşa ekınşı orynda. Būl – ärqaisymyzǧa oi salatyn auyr şyndyq. Bügıngı şaranyŋ taqyryby «Ata-ana balanyŋ ainasy» dep jaqsy qoiylǧan. Däl qazır osy balalar ülgı etıp qaraityn aina, ata-analarymyz ajyrasyp, ainalar şytynap jatyr. Mūndai jaǧdaida balalarymyz kımdı ülgı tūtady, qaidan tärbie alady? Memleket şaǧyn otbasylardan tūrady. Osy mäselenı aldyn alu boiynşa kışkene bolsyn paidam tisın degen maqsatta “Otbasy berekesı” atty kıtabym şyqty. 52 jyl otbasylyq ömırımde äiel, kelın, ene, äje retınde tüigenım az emes. Sol oilarymdy kıtapqa jinaqtadym» dei kelıp, är şaŋyraqtyŋ egesı er adamdarǧa, ūiytqysy bolar äiel adamdarǧa oi salar pıkırlerımen bölıstı.
Is şaraǧa arnaiy kelıp qatysqan audandyq bılım bölımınıŋ basşysy Erkimbaeva Asel Ableevna da «Mūndai şara audanymyzdyŋ basqa da mektepterıne kerek» dei kelıp, Orazgül Asanǧazyqyzyna audan boiynşa osyndai «taǧylymdy tur» ūiymdastyryp beruge qolqa saldy. Al mektep direktory Samat Süiımbekūly «Mektep, qoǧam, otbasy - üş taǧandy bailanys ornaǧanda ǧana ruhty ūrpaq tärbieleimız! Būl kezdesu ärqaisyŋyzǧa oi salsa, maqsatymyzdyŋ oryndalǧany. Bılım berıp qana qoimai, otbasy qūndylyqtaryn därıptep, syilastyq pen özara tüsınıstık mädenietın nyǧaitu, otbasy institutynyŋ qoǧamdaǧy orny, ata-ananyŋ bala tärbiesındegı jauapkerşılıgı jäne ūlttyq dästür men qazırgı zaman qūndylyqtarynyŋ üilesımın taba bılsek, sız ben bız bırge keremet ūrpaq tärbielep şyǧamyz degen oidamyz. Orazgül Asanǧazyqyzynyŋ är sözınen ruhtanyp, köŋılge köp oi tüidık» dedı.
Ata-analardyŋ da riza bolyp, ruhtandyryp söilegen qoǧam qairatkerınıŋ sözderıne dem berıp, keş soŋynda rizaşylyqtaryn bıldırgenın baiqadyq, solardyŋ bırı ata-ana Sailybaev Baǧaşar «Bızdıŋ qatty qarnymyz aşyp qalypty. Bügın kädımgıdei ruhani azyq alǧandai boldyq. Maqsatymyzdyŋ aiqyndalyp, ömırge qūlşynysymyz artqandai boldy. Ata-ana men mektep bırıkkende ǧana myqty ūrpaq tärbielep şyǧatynymyzdyŋ dälelı bügıngı keş. Sondyqtan aldaǧy uaqytty yntymaqtastyǧymyz arta bersın!» dedı.
Forum soŋynda mektep direktory bastap, mektep ūjymy qoldap hormen ruhty änmen keştı tüiındedı.
Keş soŋynda Orazgül Asanǧazynyŋ sözımen ruhtanǧan ata-analar qimai qoştasyp, memleket qairatkerınıŋ är sözın qoldap, estelık suretke de tüstı.
