Qazaqstan Prezidentı Qasym-Jomart Toqaev Armeniia premer-ministrın «Altyn Qyran» ordenımen marapattady. Būl turaly Aqorda jazdy, dep habarlaidy "Adyrna".
«Toqaev saltanatty ıs-şarada qazaqstandyqtar Nikol Paşiniandy Armeniianyŋ damuyna jaŋa lep äkelgen, memlekettık qūrylymnyŋ barlyq salada qaita jaŋǧyruyna tyŋ serpın bergen jalpyūlttyq köşbasşy dep bıletının jetkızdı», – dep habarlady Aqorda.
Qazaqstan prezidentı Paşiniannyŋ ışkı jäne syrtqy saiasatta parasatty, jauapty ūstanymymen ülgı körsetıp otyrǧanyn aitqan.
«Öte kürdelı geosaiasi ahualda qalyptan tys ärı batyl şeşım qabyldadyŋyz. Tüptıŋ tübınde būl armian halqyna paidasyn tigızetın öte qūndy şeşım boldy. Dostas, bauyrlas Armeniia beibıtşılık, ornyqty damu jolyn taŋdaǧany anyq. Būl ıste Sızdıŋ tarihi eŋbegıŋız zor. Vaşingtonda qabyldanǧan Armeniia men Äzerbaijan arasyndaǧy beibıt kelısımdı ılgerıletude eleulı röl atqarǧanyŋyzdy atap ötkım keledı», – dedı Qazaqstan prezidentı.
Qazaq-armian qarym-qatynasyn damytudaǧy ülken ülesı men airyqşa eŋbegın eskerıp, Qazaqstannyŋ eŋ joǧary memlekettık nagradasy – «Altyn Qyran» ordenımen marapattaǧan.
