19 qaraşada Qyrǧyzstan prezidentı Sadyr Japarov Qytai syrtqy ıster ministrı Van İdı qabyldady, dep habarlaidy «Adyrna» tılşısı.
Japarov qyrǧyz-qytai qatynastarynyŋ bügınde joǧary deŋgeide tūrǧanyn atap öttı. Ol temırjol jäne avtojol qūrylysy, jaŋa äue baǧyttarynyŋ aşyluy, sondai-aq köptegen saladaǧy bırlesken jobalardyŋ jüzege asyryluyn mysalǧa keltırdı.
Memleket basşysy sondai-aq ŞYŪ aiasyndaǧy jäne «Ortalyq Aziia — Qytai» formatyndaǧy köpjaqty yntymaqtastyqtyŋ qarqyndy nyǧaiyp kele jatqanyn aitty.
Öz kezegınde QHR syrtqy ıster ministrı ekı el basşysy qol jetkızgen kelısımderdı jüzege asyru üşın barlyq küş-jıgerın jūmsauǧa daiyn ekenın bıldırdı.
Ministr osydan üş jyl būryn Qyrǧyzstanda bolǧanyn, sol uaqyt ışınde el aitarlyqtai tabystarǧa qol jetkızgenın atap öttı.
Van İ sondai-aq Qyrǧyzstanda jūmys ısteitın qytailyq kompaniialardyŋ ökılderıne eldıŋ zaŋnamasyn qataŋ saqtau jäne jergılıktı dästürlerdı qūrmetteu qajettıgı turaly talap jetkızılıp jatqanyn aitty.
Eske salaiyq, 15 qaraşada Qyrǧyzstanda qytai jäne qyrǧyz jūmysşylary arasynda töbeles bolǧan edı. Polisiia 16 adamdy ūstap, taǧy 44 adamdy tergeuge şaqyrǧan, arasynda qytailyq jūmysşylar da bar. Prezidenttıŋ aqparattyq saiasat qyzmetınıŋ jetekşısı Daiyrbek Orunbekov şetel azamattarynyŋ elde boluyna qatysty talaptar viza rejimımenqataŋ retteletının, viza merzımı aiaqtalǧan soŋ olardyŋ elden ketuı mındettı ekenın basa aitqan bolatyn.
