Abai oblysynyŋ äkımı Berık Uäli öŋırde uaqyt beldeuınıŋ özgeruıne bailanysty jappai narazylyqtar tırkelmegenın mälımdedı, dep habarlaidy "Adyrna" ūlttyq portaly.
Äkımnıŋ aituynşa, mektepter men auruhanalar taŋǧy saǧat 8:00-de jūmysyn bastaidy, al keibır memlekettık qyzmetkerler būdan erterek kırısedı.
"Men apparattaǧy qyzmetkerlerge jūmys kestesın retteudı ūsyndym, bıraq olar aşyq türde qosymşa jūmys ıstegısı kelmeitının aitty. Olarǧa saǧat 8-den 5-ke deiın jūmys ısteu yŋǧaily", - dedı Berık Uäli.
Jurnalister äkımnen tūrǧyndardyŋ būl özgerıske qanşalyqty kelısetını jönınde sūraǧan kezde, ol:
"Kım söileskısı kelse, men daiynmyn. Kelısımge keluge äzırmın", - dep jauap berdı.
Eske sala keteiık, 2024 jyldyŋ nauryzynda Qazaqstan bıryŋǧai UTC+5 uaqyt beldeuıne öttı. Bilık būl şeşımdı biologiialyq yrǧaqty qalpyna keltıru, biznes-prosester men kölık qatynasyn oŋtailandyru maqsatynda qabyldaǧanyn tüsındırgen.
Degenmen, eldıŋ şyǧys jäne soltüstık aimaqtarynda keibır tūrǧyndar künnıŋ tym erte şyǧuy men qys mezgılınde erte qaraiuyna şaǧymdanǧan. Al 2025 jyldyŋ qaŋtarynan bastap Şyǧys Qazaqstan oblysynyŋ bırneşe audanynda jaŋa jūmys kestesı pilottyq jobamen engızıldı.
